विशेष अनलाइन । विराज भट्ट निर्देशित चलचित्र ‘१२ गाउँ’को ट्रेलर सार्वजनिक भएको छ । शुक्रबार सार्वजानिक गरिएको एक्सनप्रधान ट्रेलरले १२ गाउँ नामक एक काल्पनिक थलोको शोषक र सामन्त, जन्मिदारविरुद्ध संघर्ष गर्ने पात्रहरुको कथा देखाएको छ ।
ट्रेलरमा निर्देशक समेत रहेका बाबु विराज र छोरा समीर पुरै एक्सन अवतारमा प्रस्तुत रहेका छन् । समीरको यो डेब्यु चलचित्र हो । एक्सन कोरियोग्राफी, छायांकन र प्रोडक्सन डिजाइनमा ट्रेलर विशेष छ ।ट्रेलरले कथावस्तु र चरित्र चित्रणबारे खुलासा गरेको छ ।
चलचित्रको ट्रेलरमा दक्षिण भारतीय एक्सन कोरियोग्राफर स्टन्त सिल्भा र शंकर महर्जनको एक्सन कोरियोग्राफी रोचक देखिन्छ । चलचित्रमा मा विराज र समीरबाहेक पूर्वमिस नेपाल इन्टरनेसनल न्यान्सी खड्का र म्युजिक भिडियोकी अभिनेत्री सनिशा भट्टराईसहित कनिज कोइराला, मुरलीधर, दीया मास्के, सोन चन्द्रपाल, नरेन खड्का लगायतकलाकारहरुको अभिनय रहेको छ ।
विराजको होमप्रोडक्सनले चलचित्र निर्माण गरेको हो । चलचित्र असोज २४ गते दशैंको फूलपातिबाट प्रदर्शनमा आउदै छ ।
Discussion about this post