विशेष अनलाइन । दिनेश राउतको निर्देशनमा बनेको चलचित्र ‘कुमारी’को नयाँ पोस्टर सार्वजनिक भएको छ । चलचित्रका मुख्य पात्र अभिषेक खड्का र आकृति राजभण्डारीलाई सार्वजानिक पोस्टरमा फिचर गरिएको छ । चलचित्रको पोस्टरले प्रेमकथामा आधारित रहेको स्पष्ट पार्छ । पोस्टरमा उनीहरूको प्रेम र आत्मीयता झल्काइएको छ ।
पोस्टर सार्वजनिकसँगै चलचित्र को नयाँ गीत ‘तिमी बिना’को रिलिज मिति पनि घोषणा गरिएको छ । निर्माण पक्षका अनुसार उक्त गीत पुष ३ गते सार्वजनिक गरिनेछ । यसअघि चलचित्रमा समावेश ‘कता छौ मेरो फूल’ बोलको गीत सार्वजनिक भइसकेको छ । गायक केहर सिंह लिम्बूको स्वर रहेको यस गीतलाई दर्शकले रुचाएका छन् ।
भ्यालेनटाइन डे को अवसर पारेर माघ २३ गतेबाट प्रदर्शन हुन लागेको चलचित्रमा अभिषेक र आकृतिसहित घनश्याम जोशी, सुनिता श्रेष्ठ, आकाङ्क्षा कार्की, मधु खड्का, सनम श्रेष्ठ, सकु शाह, सरोज लामिछाने, मनषा शर्मा लगायतका कलाकारहरूको अभिनय रहेको छ ।
बिनिश इन्टरटेन्मेन्ट, पिक्चर फ्रेम र केन्द्र मोसन पिक्चर्सको सहकार्यमा निर्माण भएको चलचित्रको निर्माता महेन्द्र अधिकारी हुन् । केदार भुसाल कार्यकारी निर्मातामा छन् । चलचित्रमा विकास सुवेदीको लेखन रहेको छ । सुसन प्रजापतिले छायांकन, उत्तम न्यौपानेले साउन्ड डिजाइन, सुप्रिम पराजुलीले सम्पादन तथा किरण थापा र शिशिर खातीले कोरियोग्राफी गरेका छ्न् ।
Discussion about this post