विशेष अनलाइन । ब्लकबस्टर चलचित्र ‘पूर्णबहादुरको सारङ्गी’ का निर्देशक सरोज पौडेलले नयाँ चलचित्र ‘सिन्दुरे जात्रा’ को निर्माण घोषणा गरेका छन्। एक विशेष टिजर सार्वजनिक गर्दै उनले चलचित्रको नाम औपचारिक रूपमा सार्वजनिक गरेका हुन्।
सार्वजनिक गरिएको टिजरमा सिन्दुरे जात्रासँग सम्बन्धित मन्त्रजस्तो आवाज सुन्न सकिन्छ, यद्यपि उक्त मन्त्रका शब्दहरू स्पष्ट बुझिँदैनन्। निर्देशक पौडेल स्वयंको कथा रहेको यो चलचित्र नुवाकोटमा मनाइने ऐतिहासिक सिन्दुरे जात्रा मा आधारित हुने बताइएको छ।
सारंगी फिल्म्सको प्रस्तुति रहेको यस चलचित्रको निर्माता प्रभाकर श्रेष्ठ हुन्। चलचित्रको पटकथा लेखनमा सबिन अधिकारी र वसन्त न्यौपानेको सहकार्य रहनेछ। निर्देशक पौडेलले चलचित्रमा को-को कलाकारहरू रहनेछन् भन्ने जानकारी केही समयपछि गराइने बताएका छन्।
Discussion about this post