काठमाडौँ । दसैँको छेको पारेर असोज २६ गतेबाट सार्वजनिक प्रदर्शनको तयारीमा रहेको फिल्म ‘परदेशी २’को ट्रेलर सार्वजनिक भएको छ ।
ट्रेलरमा अध्ययनका लागि युवाको विदेश यात्रा र त्यसले सिर्जना गर्ने पारिवारिक एवं सामाजिक संवेदना दर्साइएको छ । प्रेम, बिछोड, उमंग, द्वन्द्व सबै पक्ष मिृत ट्रेलरमा समेटिएको छ ।
नारायण रायमाझी निर्देशित फिल्ममा प्रकाश सपूत, केकी अधिकारी, वर्षा शिवाकोटीसँगै अभिनेताद्धय प्रशान्त तामाङ र दीलिप रायमाझीको अभिनय छ । ट्रेलरमा पनि सबै कलाकार अटाएका छन् ।
गायनमा स्थापित सपूतको यो डेब्यु फिल्म हो । दसैँको परिवेशलाई समेत चलचित्रले झल्काउने छ । राजेश वंशल र निर्देशक रायमाझीको संयुक्त निर्माण रहेको फिल्ममा नीर शाह, रमा थपलिया, सबिन बास्तोला, देवेन्द्र बब्लु, रोशनी कार्कीलगायतको समेत अभिनय देख्न सकिन्छ ।
रमेश बिजीको कथा एवं पटकथा, मानकृष्ण महर्जनको छायांकन, अष्ट महर्जनको द्वन्द्व, रामजी लामिछाने र गोविन्द राईको नृत्य निर्देशन रहेको फिल्म दीर्घ खड्काले सम्पादन गरेका हुन् । यसअघि ‘गोर्खा पल्टन’ र ‘परदेशी’ जस्ता सुपरहिट फिल्म दिएका निर्देशक रायमाझीको ‘परदेशी २’ तेस्रो फिल्म हो ।
Discussion about this post