फेरी बन्दै ‘हामी तीन भाई’

इटहरी / नेपाली दर्शकले अझै पनि नेपाली कथानक चलचित्र ‘हामी तीन भाई’ लाई बिर्सिन सकेका छैनन् । कुनै समयका स्टार अभिनेता राजेश हमाल, निखिल उप्रेती र स्व अभिनेता श्रीकृष्ण श्रेष्ठ अभिनित चलचित्रले एक समय दर्शकमाझ राम्रो छाप छाड्न सफल भएको थियो ।

पुरानो चलचित्र ‘हामी तीन भाई’ निर्माण भएको करिव डेढ दशक पछी सोही नाममा पुन अर्को चलचित्र निर्माण हुने भएको छ ।

पुन निर्माण हुन लागेको चलचित्र ‘हामी तीन भाई’ लाई निर्देशक मधुसुदन भट्टराईले निर्देशन गर्दैछन् । पहिले निर्माण भएको चलचित्रमा भने शिव रेग्मीको निर्देशन रहेको थियो । शिव रेग्मीको स्वर्गारोहण भइसकेको छ ।

चलचित्रमा सलोन बस्नेत , शिशिर राणा, बिकाश चापागाईं, सदिक्षा पाण्डे, नरेन्द्र केसी लगायतका कलाकारहरुको अभिनय रहने पक्का भएको बताइएको छ । । प्रसिद्धि सिने आर्टको ब्यानरमा निर्माण हुन लागेको चलचित्रमा हिमाल केसीको द्वन्द्व , नरेन्द्र कुमार सिंहको छायांकन , श्याम कृष्ण मानन्धरको संगीत रहने छ । साजित महत ले निर्माण गर्ने चलचित्रको कथा मनिष गौतम र रिवाज दाहालको संयूक्तरुपमा लेखेका हुन् ।