बिशेष अनलाइन । अभिनेत्री प्रियंका कार्की चलचित्र नगरीमा चर्चामा आउनु नौलो कुरा हैन । अभिनेत्री कार्की पछिल्लो समय पुन चर्चामा छिन् । उनले सामाजिक सञ्जालमा सार्वजनिक गरेका तस्विरका कारण अधिकांश दर्शकले उनलाई सामाजिक सञ्जालमा नै नकारात्मक टिप्पणी गरिरहेका छन् ।
कतिपयले भने गर्भावस्थालाई सेलिव्रेसन गर्न पाउनु उनको निजी अधिकार भएको बताइरहेका छन् । नेपाली दर्शकले त मिश्रित प्रतिकृया दिएकै छन् । यसैबिच पूर्वप्रधानमन्त्री डाक्टर बाबुराम भट्टराईले समेत उनको बेबी–बम्प तस्विरमाथि धारणा व्यक्त गरेका छन् । प्रियंकाको बेबी–बम्पवाला तस्विरमाथि सामाजिक सञ्जालमा भैरहेको बहसमा पूर्वप्रधानमन्त्री भट्टराईले भने प्रशंसा गरेका छन् ।
डाक्टर भट्टराईले महिला सन्तान उत्पादन गर्ने कारखाना नभइ आफ्नै सन्तानका सृष्टिका श्रोत भएको अभिव्यक्ती दिएका छन् । डाक्टर भट्टराईले अभिनेत्री कार्कीलाई युगौदेखिको पितृसत्तात्मक,रूढीवादी सत्ताको अन्त्य गर्न साहस जुटाउने नारीकारुपमा चित्रण गरेका छन् ।
१,महिला कसैका सन्तान उत्पादन गर्ने कारखाना हैनन् आफ्नै सन्तानका सृष्टिका श्रोत हुन् भन्ने वैज्ञानिक,उन्नत चेतना (गूगल सर्च गरौं) । २, युगौदेखिको पितृसत्तात्मक, स्त्रीद्वेषी रूढीवादी सत्ता र भ्रमको जालो च्यात्ने साहस । ३, ट्विटेलाई इॅटको सट्टा ढुंगा हान्ने आत्मवल । अभिनेत्री कार्कीप्रति इंगित गर्दै डाक्टर भट्टराईले सामाजिक सञ्जालमा लेखेका छन् ।
Discussion about this post