विशेष अनलाइन । १५ दिनसम्म चल्ने इटहरी सांस्कृतिक पर्यटन महोत्सवको तयारी पुरा भएको छ । स्थानीय पर्यटन र संस्कृतिलाई एकसाथ जोड्ने उद्देश्य सहित सुरु गरिएको महोत्सवमा पहिलो दिन अर्थात् असोज २० गते गायिका अस्मिता अधिकारीको प्रस्तुति रहने छ ।
असोज २० गतेबाट सुरु हन लागेको महोत्सव कार्तिक ४ गते सम्म चल्ने छ । हरेक दिन विभिन्न राष्ट्रिय तथा स्थानीय कलाकारहरूको प्रस्तुति रहने महोत्सवमा रोटेपिङ्ग, कोलम्बस, ट्राईगन, ब्रेक टान्स, र बच्चाका विभिन्न खेलहरू आकर्षणको रूपमा रहेको आयोजकले जनाएको छ ।
विकास निर्माणकर्ताहरूको सञ्जाल इटहरीले आयोजना गरेको महोत्सवमा प्रमोद खरेल, सबिन राई,राजेश पायल राई, शिव परियार, मेलिना राई, प्रिति आले, मिलन नेवार,ज्योति मगर,रचना रिमाल, एलिना चौहान, कमल खत्री,जिवव,अनु चौधरी लगायत स्थानीय कलाकारहरूको प्रस्तुति रहने तय भएको आयोजक विकास निर्माणकर्ताहरूको सञ्जाल इटहरीका अध्यक्ष विशुधन राईले जानकारी दिए ।
Discussion about this post