इटहरी / नायक आकाश श्रेष्ठ र नायिका पूजा शर्माले अभिनित म्युजिक भिडियो ‘ओ प्रिया’ सार्वजनिक गरिएको छ । प्रेम सम्बन्ध पछीको विवाहको रौनकलाई भिडियोमा आकर्षक ढंगले प्रस्तुत गरिएको छ ।
‘तस्वीर २’ एल्वममा समावेश ‘ओ प्रिया’ बोलको गीतमा गायिका नीशा कँडेल र गायक अमन प्रधानको स्वर रहेको छ । गीतको शब्द बिष्णुवावु देवकोटाले लेखेका हुन् । गीतमा टिका दाहालले संगीत भरेका हुन् ।
निकेश खड्काले निर्देशन गरेको भिडियोको छायांकन बुद्ध थापाले गरेका हुन् भने विकास धमलाले भिडियो सम्पादन गरेका हुन् । गीतको भिडियो गायिका नीशा कँडेलको अफिसियल यूट्युव च्यानलबाट सार्वजनिक गरिएको छ । कँडेलको यस अघिको तस्विर १ मा पनि नायक आकाश श्रेष्ठ र नायिका पूजा शर्माले नै अभिनय गरेका थिए । उक्त गीतलाई दर्शकले निकै रुचाएका छन् ।
Discussion about this post