बिशेष अनलाइन । नेपाली हास्य व्यंग्य क्षेत्रमा आफुलाई स्थापित गर्न सफल हास्य कलाकार कुमार कट्टेल ‘जिग्री’ पछिल्लो समय गीत संगीतमा पनि अग्रसर हुन थालेका छन् । यस अघि ‘मञ्जुरी’ बोलको गीतले दर्शकको मन जित्न सफल ‘जिग्री’ले पुन अर्को गीतको म्युजिक भिडियो सार्वजनिक गरेका छन् ।
दाजु सिताराम कट्टेल ‘धुर्मुस’ र भाउजु कुन्जना घिमिरे ‘सुन्तली’को वैवाहिक वर्षगाँठको अवसर परेर उक्त म्युजिक भिडियो सार्वजनिक गरिएको हो । ‘मायाले जीवन सजाउँ’ बोलको उक्त गीतमा कुमार कट्टेल जिग्री र अस्मिता अधिकारीको स्वरमा रहेको छ । गीतको भिडियोमा भने सीताराम कट्टेल ‘धुर्मुस’ र कुञ्जना घिमिरे ‘सुन्तली’को अभिनय रहेको छ।
गितमा अर्जुन पोखरेलको शब्द, संगीत रहेको छ । सीताराम कट्टेल ‘धुर्मुस’ र कुञ्जना घिमिरे ‘सुन्तली’को १४ औँ वैवाहिक वर्षगाँठको अवसरमा सार्वजनिक गरिएको भिडियोमा पनि ‘धुर्मुस’ ‘सुन्तली’ वैवाहिक उत्सवमा रमाएका छन् ।
यस अघि उनकै स्वरमा रहेको गीत ‘मञ्जुरी’ ले नेपाली दर्शकको मन जितेको थियो । बिशेष गरी सामाजिक सञ्जाल टिकटकमा ‘मञ्जुरी’ निकै छाएको थियो । सिनेजोन तथा सिनेफोकसको छायांकन रहेको म्युजिक भिडियोमा रामजी लामिछानेको कोरियोग्राफी एवम् निर्देशन रहेको छ । भिडियोलाई राजेन्द्र मोक्तानले रंग संयोजन गरेका हुन् भने बन्दे प्रसादले भिडियोको सम्पादन गरेका छन्।
Discussion about this post