बिशेष अनलाइन । कोरोना भाइरसले थला परेको मनोरञ्जन क्षेत्र पुन चलमलाउन थालेको छ । हुन त केही म्युजिक भिडियोहरु लकडाउनकै समयमा पनि सार्वजनिक भइरहेका थिए । यसैबीच पुर्वेली लोकभाका ‘डाडा बजार’ सार्वजनिक गरिएको छ । भिडियोमा धनकुटाको डाडा बजार, लाक्चिटर साथै तमोर नदी आसपासको मनोरम दृश्यलाई आकर्षक शैलीमा प्रस्तुत गरिएको छ ।
सिशिर लिङ्देनको शब्द रहेको गितको संगीत चित्र याख्खाले गरेका हुन् भने गितमा देवेन्द्र लिम्बू, डीवी लिम्बू, सुनिता संयाक लिम्बू र हिमानी फेवन लिम्बूको स्वर रहेको छ । गितको म्युजिक भिडियोमा मोडल रेखा फागो लिम्बुक, देवेन्द्र लिम्बू, युमन लिम्बू, सुनिता संयाक लिम्बू आधुनिक देवान, पद्मा माया लिम्बू लगायतको अभिनय रहेको छ ।
चलचित्र ‘तारे भिर’ का निर्माता देउकृष्ण देवान लिंखा याख्खाको निर्देशनमा बनेको म्युजिक भिडियोमा लाहुरे परिवारको माया प्रेमको कथालाई आकर्षक शैलीमा प्रस्तुत गरिएकोछ । सुमन तामाङको छायाङ्कन रहेको म्युजिक भिडियोको सम्पादन बिकास दाहालले गरेका हुन् ।
Discussion about this post