इटहरी / हाँस्य टेलिफिल्म तितो सत्यबाट गैँडाको नामले लोकपृय बनेका हास्य कलाकार निर्मल शर्माको निर्देशनमा हास्य टेलिफिल्म ‘डन्ट माइन्ड’ प्रशारणमा आउँने पक्का भएको छ । यहि बैशाख १५ गतेबाट हिमालय टेलिभिजमा प्रसारण सुरु गर्ने तयारी पुरा भएको निर्देशक शर्माले जानकारी दिएका छन् ।
रबि शर्मा, कमल मैनाली, निर्मल शर्मा, रजनी केसी, सुनिता श्रेष्ठ, स्मारिका खनाल, रामेश्वर केसी, घनश्याम गौतम, सुरेश तिमल्सिना, बिश्वमणी घिमिरे, चिज कुमार श्रेष्ठ, सुमन गिरी र लक्ष्मण सिंह बस्नेत लगायतका चर्चित कलाकारहरुको अभिनय रहने टेलिफिल्म ‘डन्ट माइन्ड’ निर्देशनमा निर्मल शर्मालाई कमल मैनालीले सहयोग गर्ने बताइएको छ ।
‘डन्ट माइन्ड’ हिमालय टेलिभिजनको पर्दामा हरेक बुधबार बेलुका ८ बजे प्रसारण हुने छ भने म्युजिक नेपालको युटुब च्यानलबाट पनि जुनसुकै समयमा हेर्न सकिने निर्देशक शर्माले जानकारी दिए । टेलिफिल्ममा आवस्यकता अनुसार हरेक हप्ता अतिथी कलाकारहरुको समेत भुमिका रहने छ ।
कमल मैनालीको लेखन तथा पटकथामा निर्माण हुने टेलिफिल्मका कार्यकारी निर्माता चिज कुमार श्रेष्ठ हुन् । राजु केसीको छायांकन , गौतम राज खड्को सम्पादनमा बन्न लागेको ‘डन्ट माइन्ड’ को शिर्ष गीत कमल मैनालीले लेखेका हुन् । शिर्ष गीतमा राजिव लोहनीको संगीत र स्वर रहेको छ ।
टेलिफिल्म ‘डन्ट माइन्ड’ मा सामाजिक विषयवस्तुमा रहेर समसामहिक तथा राजनैतिक घटनाहरुलाई हाँस्य तथा व्यांग्यत्मक शैलीमा प्रस्तुत गरिने छ ।
Discussion about this post