बिशेष अनलाइन । पछिल्लो समय कलाकारहरु पनि राजनितिमा खुल्न थालेका छन् । खुलेर राजनितिमा लागेका कलाकारहरु मध्यकी एक हुन् अभिनेत्री रेखा थापा । राप्रपा नेपालमा खुलेकी अभिनेत्री थापालाई यतिबेला राम्रैसँग महाधिवेशन लागेको छ ।
आजदेखि काठमाडौंमा राप्रपाको महाधिवेशन सुरू भएको छ। मशाधिवेशनमा अभिनेत्री थापाले पार्टीको महामन्त्री पदमा उठ्ने तयारी गरेकी छन्।
राप्रमा नेपालले उम्मदेवारी दर्तालगायत कार्यक्रम बिहीबारका लागि तयारी गरेको छ। राप्रपामा अध्यक्ष कमल थापा र पूर्वमहामन्त्रीसमेत रहेका सांसद राजेन्द्र लिङ्देन अध्यक्ष पदमा उठ्ने तयारीमा छन्।
अभिनेत्री थापाले लिङ्देन पक्षबाट महामन्त्री पदमा उमेद्वारी दिने तयारी गरेको बताइएको छ । अभिनेत्री थापाले महामन्त्रीमा उमेद्वारी दिदा लिङ्देन पक्षबाट नै नेता गोविन्द खनिया र नेपालगञ्ज उपमहानगरका मेयरसमेत रहेका धवलशम्शेर राणासँग प्रतिष्पार्धा गर्नुपर्ने देखिएको छ ।
राप्रपामा अध्यक्ष थापा र लिङ्देन पक्षबाट अध्यक्ष, उपाध्यक्ष र महामन्त्री पदमा प्यानलसहित नै उम्मेदवारी दर्ता हुने सम्भावना रहेको बताइन्छ ।
Discussion about this post