विशेष अनलाइन । चलचित्र ‘मोहर’मा जोडी बनेर काम गरेका अभिनेता पल शाह र अभिनेत्री बेनिशा हमाल यतिबेला बक्स अफिसमा एकअर्काका प्रतिस्पर्धी बनेका छन्। शुक्रबारदेखि पल अभिनीत ‘आ बाट आमा’ र बेनिशा अभिनीत ‘द ब्लू लाइट’ देशभरका हलहरूमा एकैसाथ प्रदर्शनमा आएका हुन्।
‘आ बाट आमा’ लाई शोमा अग्रता चन्द्र पन्तको निर्देशनमा बनेको ‘आ बाट आमा’ ले पहिलो दिन नै देशव्यापी रूपमा १५० भन्दा बढी शो पाएको छ। बाबु-आमा र सन्तानबीचको भावनात्मक सम्बन्धको कथा बोकेको यस चलचित्रमा पल शाहका साथै विपना थापा, प्रदीप रावत र साइग्रेस पोखरेल जस्ता कलाकारहरूको मुख्य अभिनय छ। केही हलहरूमा चलचित्रको प्रारम्भिक बुकिङ उत्साहजनक देखिएको छ।
‘द ब्लू लाइट’ को कमजोर सुरुवात अर्कोतर्फ, अभिनेत्री बेनिशा हमाल कार्यकारी निर्माता समेत रहेको चलचित्र ‘द ब्लू लाइट’ ले देशभर ७२ शो पाएको छ। बलिराम चौहानले निर्देशन गरेको यस चलचित्रको सुरुवाती बुकिङ भने केही निराशाजनक देखिएको छ। अर्पण थापा, आयुष्मान देशराज जोशी र सृष्टि श्रेष्ठ जस्ता सशक्त कलाकारहरूको अभिनय रहेको यो फिल्मलाई बक्स अफिसमा टिक्नका लागि दर्शकको सकारात्मक प्रतिक्रिया (वर्ड अफ माउथ) को निकै खाँचो देखिएको छ।
Discussion about this post