विशेष अनलाइन । दशैको फूलपातीबाट अलनेपाल प्रदर्शनमा आएको चलचित्र ‘१२ गाउँ’ले हाल पनि उत्कृष्ट प्रदर्शन गरिरहेको छ । चलचित्रका निर्माता, निर्देशक तथा कलाकार बिराज भट्ट कलाकार सहित दर्शक साक्षात्कारका लागि देश दौडाहामा छन् । यसै बिच अभिनेता बिराज भट्ट, समीर भट्ट सहित चलचित्रका कलाकार पूर्व आउदैछन् । सोमवार दिउसो ४ बजे झापाको दमक स्थित डिमेक्स सिनेमाजमा दर्शकसँग साक्षात्कार गर्ने कार्यक्रम रहेको बताइएको छ ।
झापाका केही हलहरूको भ्रमण पश्चात् चलचित्र ‘१२ गाउँ’को टोली धरान तर्फ लाग्ने छ । बेलुका धरान स्थित फ्रेन्ड्स् सिनेमाजका दर्शकसँग साक्षात्कार गर्ने कार्यक्रम रहेको बताइएको छ । धरान पञ्चात इटहरीका दर्शकसँगको भेटघाट भने मङ्गलवार हुने छ । मङ्गलवार दिनको करिब १ बजे इटहरीको इलाइट सिनेमा घरमा दर्शक साक्षात्कार कार्यक्रम रहेको इलाइट सिनेमाका प्रमुख नवराज केसीले जानकारी दिए ।
चलचित्र ‘१२ गाउँ’ले उत्साहजनक व्यापार गरिरहेको छ । अझै कलाकारको आगमनले दर्शकमा उत्साह थपिने प्रमुख केसीले भने । दशैँको फूलपातीका दिन असोज २४ गते रिलिज भएको यो एक्सन मुभीमा आजका दिनसम्म पनि दर्शकको चाप घटेको छैन ।
एकैसाथ तीन नयाँ चलचित्र ‘छक्कापञ्जा ५’, ‘१२ गाउँ’ र ‘ज्वाइँ साब’ रिलिज भएका थिए । यीमध्ये हलहरूमा छक्कापञ्जाले सबैभन्दा बढी शो पाएको थियो भने त्यसपछि क्रमस १२ गाउँ र ज्वाइँ साबले शो प्राप्त गरेको थियो।
एक्सन जनरामा निर्माण भएको यो चलचित्रको कथा सन्तष सरकारले लेखेका हुन् । चलचित्रको निर्देशन भने अभिनेता विराज भट्टले गरेका हुन् । चलचित्रमा विराज र उनका छोरा समीर भट्टका साथमा न्यान्सी खड्का, सनिशा भट्टराई, मुरलीधर, सन्तोष सरकार, कनिज कोइराला, दीया मास्के, लगायतका कलाकारहरुको अभिनय छ ।
Discussion about this post