विशेष अनलाइन ।चन्द्र पन्तको निर्देशन रहेको चलचित्र ‘ह्रस्व दीर्घ’ नेपालमा पनि नेपाली र हिन्दी दुबै भाषामा एकसाथ रिलिज हुने भएको छ । शुक्रबार निर्माण टिमले सेभेन सिज इन्टरटेनमेन्टलाई विदेश राइट् बेच्दै चलचित्र कार्तिक ३० गते नेपालीसँगै हिन्दी भाषामा पनि एकसाथ प्रदर्शन गर्ने तय गरेको हो ।
चलचित्र विदेशमा भने एक हप्तापछि अर्थात् मंसिर ७ गतेदेखि दुबै भाषामा लाग्ने जानकारी निर्माता नीता ढुंगानाले दिइन् । नेपाली र हिन्दीमा रिलिज भएको दुई महिनापछि चलचित्र तेलुगु भाषामा पनि रिलिज हुनेछ । निर्माण नै त्यसैगरी गरिएको र धेरै बलिउड कलाकार भएकोले फिल्म हिन्दी र तेलुगु भाषामा रिलिज गर्न लागिएको निर्माता तथा अभिनेता हरिहर अधिकारीले बताए ।
चलचित्रमा हरिहर अधिकारी, नीता ढुंगाना, ब्रह्मानन्दम, अली, कवीर दुहान सिंह, प्रदीप रावत, सुनिल वर्मा, प्रशान्त ताम्राकार, सञ्चीता लुईटेल, विपना थापा, सरोज खनाल, नरेन खड्का, गरिमा शर्मा, रवीन्द्र झा, आर्दश मिश्र, बुद्धि तामाङ र किरण केसी लगायतका कलाकारको अभिनय छ ।
नीता फिल्मस्को प्रस्तुतिमा निर्माण भएको चलचित्रको कार्यकारी निर्माता धनन्जय गलानी हुन् । अभिनेता अधिकारीको कथा र प्रतीक पौडेल, निर्देशक पन्त र हरिहरको पटकथा तथा संवाद रहेको चलचित्र कवीरलालले छायांकन गरेका हुन् ।अभिनेत्री नीता ढुंगानाले निर्माण गरेको चलचित्र मनोज राठी र उज्वल पौडेलको व्याङ्कटेस इन्टरटेनमेन्ट वितरण गर्दैछ ।
Discussion about this post