चलचित्र‘ मन बिनाको धन ठुलो कि, धन बिनाको मन’ निर्माण गर्दै टंक

विशेष अनलाइन । गायक एवं सङ्गीतकार टंक बुढाथोकीले चलचित्र निर्माण गर्ने भएका छन् । उनले आइतबार चलचित्र विकास बोर्डमा आफ्नो हिट गीतको शीर्षकमा ‘मन बिनाको धन ठुलो कि, धन बिनाको मन’ नामबाट चलचित्र दर्ता गरेका हुन् ।

सामाजिक कथामा बन्ने चलचित्रबाट बाल गायक अशोक दर्जी र एआर बुढाथोकीले अभिनयमा डेब्यु गर्ने भएका छन् । यस चलचित्रबाट अर्का व्यक्ति रमेश बिक नायकको रूपमा डेब्यु गर्दैछन् । चलचित्रकोको नायिका भने छनौटको चरणमा रहेको बुढाथोकीले बताए ।

टंक आफैले निर्माण निर्देशन गर्न लागेको चलचित्रको कार्यकारी निर्माता लक्ष्मी गिरी र सह–निर्मातामा विनय अधिकारी रहेका छन् । टंककै कथा रहेको चलचित्रको पटकथा एवं संवाद शिवम अधिकारीले लेखेका हुन् । तिहार लगतै चलचित्रको छायाङ्कन हुने बताइएको छ ।