विशेष अनलाइन । शंकर घिमिरेको लेखन तथा निर्देशनमा बनेको चलचित्र ‘तेल भिसा’को दोस्रो गीत सार्वजानिक भएको छ । बिहिवार चलचित्रको ‘तुकुनको मुकुन मन पर्या’ बोलको गित युट्युब मार्फत सार्वजानिक गरिएको हो ।
चलचित्रको गितमा अभिनेता विपिन कार्की, पुजा चन्द, बुद्धि तामाङ र जाहन्वी बस्नेत फिचर्ड रहेका छन् ।गीतको शब्द लेखन तथा रचना निर्विकल्पम, कृष्ण भारद्धाज, शंकर अधिकारी घायल र नवीन बिकले गरेका हुन् । कृष्ण भारद्धाजको संगीत, राजन इशानको एरेन्ज, र शान्तिश्री परियार र साइराज खत्रीको स्वर रहेको छ । गीतको अडियो तथा भिडियो उत्कृष्ट बनेको छ ।
मंसिर ७ गतेदेखि प्रदर्शनमा ल्याउने तयारी गरेको चलचित्रमा अभिनेता विपिन कार्कीको बृद्ध र जवानगरी दोहोरो भूमिका हेर्न पाइनेछ । विपिनसँगै वर्षा राउत, पूजा चन्द, ऋचा घिमिरे, बुद्धि तामाङ, सुचित्रा उप्रेती र विदेशी कलाकारहरूको समेत अभिनय रहेको छ ।
वेलडन क्रियसनको व्यानरमा ऋचा घिमिरेको प्रस्तुति रहेकोचलचित्रमा अनिल पाण्डे र शिवराज कार्कीको लगानी रहेको छ । प्रिन्स युवराज कार्की र श्रुती दाहाल कार्यकारी निर्माता रहेको चलचित्रमा सुशन प्रजापतिको छायांकन, रामजी लामिछाने र शिशिर खातीको कोरियोग्राफी गरेका छन् । चलचित्रलाइ आशिष अविरल, कल्याण सिंह र कृष्ण भारद्धाजले संगीत र अजय खड्काले सम्पादन गरेका छन् ।
Discussion about this post