विशेष अनलाइन । लक्ष्मण सुनारको निर्देशनमा बनेको चलचित्र ‘बुलाकी’को नयाँ गीत ‘सधैँ पछि परन्या हुन् स्त्री’ सार्वजनिक भएको छ । निर्माण युनिटले चलचित्र प्रमोसनको रूपमा नारी वेदना बोल्ने गीतलाई सार्वजनिक गरेको छ ।
चर्चित गायिका समीक्षा अधिकारीको स्वर रहेको चलचित्रको गीतमा शब्द तथा संगीत बाबुल गिरीको रहेको छ । एरेञ्जको र मिक्सिङको काम धनबहादुर गिरी (बाबुल) ले गरेका हुन्। गीतमा अभिनेत्री सुरक्षा पन्त, अभिनेताद्वय बिराज विष्ट र नरेन खड्का सरस्वती खत्री, रमेश बुढाथोकी, सुशील पोखरेल लगायत कलाकर्को अभिनय रहेको छ।
स्व. मोती विष्टको प्रस्तुतिमा बनेको ‘बुलाकी’लाई टोपेन्द्र विष्टले निर्माण गरेका हुन् । अर्जुन जिसीको सम्पादन र शिव ढकालले छायांकन गरेको चलचित्रको प्रोडक्सन हेड धनबहादुर राई हुन् ।
चलचित्रमा सुरक्षा , नरेन ,विराज , रमेश,सरस्वती ,सुशील सहित प्रकाश कंडेल , लक्ष्मी गिरी, कुलदिप अधिकारी, झलनाथ खत्री, उपसना नेम्वाङ, सोनु सेढाई लगायत कलाकारहरुको अभिनय रहेको छ।
चलचित्रलाई उपत्यकामा रीच इन्टरटेन्मेन्ट प्राली र मोफसलमा एफडी कम्पनीले वितरण जिम्मा लिएको छ ।
Discussion about this post