विशेष अनलाइन । स्पेनी बेबलर अन्तर्राष्ट्रिय चलचित्र महोत्सवमा सर्वोत्कृष्ट राष्ट्रिय फोटो ग्राफर निर्देशक अवार्ड जितेको र कोशी प्रदेश सरकारले आयोजना गरेको चलचित्र महोत्सवमा बिशेष प्रदर्शन गरेर् दर्शकहरुको मन जितेको छोटो चलचित्र ‘द रेड मुन’ युट्युब च्यानलमा रिलिज भएको छ । ‘द रेडमुन’ओएसआर डिजिटलको अफिसियल युट्युव च्यालन ओएसआर मुभिजमा रिलिज गरिएको छ।
थियटर साहारा को प्रस्तुती रहेको सर्ट मुवी ‘द रेड मुन’ को अन्तिम प्रदर्शन गत असार १५ गते धरानमा गरिएको थियो । थियटर साहारा धरानको प्रस्तुती रहेको चलचित्रलाई कलाकार नबिन मेनेयाङ्बो सुब्बाको निर्माण र रविन श्रेष्ठको निर्देशन रहेको छ ।चलचित्रमा वरिष्ठ कलाकार प्रेम सुब्बा , विजय सुब्बा बिशाल श्रेष्ठ , हिमाल दाहाल ,एकराज सुब्बा , तुलसा थापा,कैलाश कार्की , मिहाङ राइ , सानुराज थेगिम ,कमल अधीकारी सुमिना खडगी र बाल कलाकार आरोही श्रेष्ठको अभिनय रहेको छ ।
समसामयिक बिषय बस्तु , स्थानिय माटो सुहाउदो कथा बस्तु र बलियो प्रस्तुती चलचित्रका सवल पक्ष हुन । २० मिनेटको चलचित्रलाई १० वर्षे शसस्त्र माओवादी द्धन्दको कथालाई निर्देशक श्रेष्ठले गज्जवले प्रस्तुत गरेका छन ।यसै गरी चलचित्रको अर्को सवल पक्ष चर्चित छायाकार लुजा सिङले खिचेको चलचित्रलाई सिङको छायांकन शैलिको कारण अवार्डनै जित्न सफल भएको थियो । चर्चित छायाकार लुजा सिङ ले खिचेको चलचित्रलाई सिङ को छायांकन शैलीको कारण फोटोग्राफि अवार्ड जितेका हुन् । चलचित्रको सम्पादन तथा रङ संयोजन मित्र डि गुरुङको रहेको छ ।
Discussion about this post