विशेष अनलाइन । चन्द्र पन्तको निर्देशनमा बनेको चलचित्र ‘ह्रस्व दीर्घ’को पोस्टर सार्वजानिक भएको छ । सार्वजनिक पोस्टरमा हरिहर अधिकारी, कबीर सिंह दुहान, प्रदीप रावत, सुनिल वर्मा र प्रशान्त ताम्राकार लगायत नेपालीदेखि साउथका कलाकारहरु यस पोस्टरमा देखिएका छन् । नयाँ पोस्टरले चलचित्र प्रति दर्शकलाई उत्साहित जगाउन बलिउड कलाकार समेत राखिएको निर्देशक पन्तले बताए ।
नीता फिल्मस्को प्रस्तुतिमा निर्माण भएको चलचित्रमा कार्यकारी निर्माता धनञ्जय गलानीरहेका छन् । चलचित्रमा नीता ढुंगाना, ब्रह्मानन्दम, अली, सञ्चीता लुइँटेल, बिपना थापा, सरोज खनाल, नरेन खड्का, गरिमा शर्मा, रवीन्द्र झा, आर्दश मिश्र, बुद्धि तामाङ र किरण केसी लगायतका कलाकारहरुको अभिनय छ ।
अभिनेता हरिहर अधिकारीको कथा र प्रतीक पौडेल, निर्देशक पन्त र हरिहरको पटकथा तथा संवाद रहेको चलचित्र बलिउडका चर्चित छायाकार कवीरलालले खिचेका हुन् । नेपाली, तेलुगु र हिंन्दी गरी तीन भाषामा बन्ने यो चलचित्रलाई मनोज राठी र उज्ज्वल पौडेलको व्याङ्कटेस इन्टरटेनमेन्ट वितरण गर्दै छ । यस चलचित्र असोज ३ गते संविधान दिवसको अवसर पारेर प्रदर्शनमा ल्याउने निर्माण टिम को तयारि रहेको छ ।
Discussion about this post