इटहरी / अभिनेता अनमोल केसीले आफुलाई एक चलचित्रमा काम गरे बापत ७५ लाख रुपैया दिने आफर आएको स्विकार गरेका छन् । उनले एक सञ्चारमाध्यमसँग कुरा गर्दै उक्त कुराको पुष्टि गरेका छन् । ‘लप्पन छप्पन’ २ निर्देशक मुकुन्द भट्टले उनलाई नेपाली चलचित्र इतिहासकै महंगो पारिश्रमिकसहित आफर गरेका हुन् । सामान्य परिस्थितिमा आफुलाई उक्त चलचित्रमा काम गर्न कुृनै समस्या नभएको अनमोलले बताएका छन् । यसको मतलब अनमोल ७५ लाख रुपैया लिएर चलचित्रमा काम गर्न तयार देखिएको छन् ।
अनमोल यतिबेला चलचित्र ए मेरो हजुर ४ को छायांकनमा व्यस्त छन् । ए मेरो हजुर ४ पछी अनमोल होम प्रोडक्शनको व्यानरमा निर्माण हुने चलचित्र पारसमा काम गर्ने तयारीमा रहेका छन् । परस पछी भने उनले महंगो परिश्रमिक सहित सहमती गर्न लागेको चलचित्रमा काम गर्ने मौखिक सहमती भएको बुझिएको छ । चलचित्रमा अनमोलको जोडीका रुपमा को हुन्छ भन्ने अहिले सम्म फाइनल् भएको छैन ।
अभिनेता अनमोल केसी सँगै चलचित्रमा अभिनेता पुष्प खड्काको पनि भुमिका रहेको बताइएको छ । अभिनेता पुष्प खड्कासँग पनि यस बिषयमा कुरा भइसकेको र पुष्प चलचित्रमा काम गर्न तयार भएको बताइएको छ ।
पुष्पसँगै चलचित्रमा निर्देशक तथा अभिनेता निश्चल बस्नेत र अभिनेता सौगात मल्लसँग पनि मौखिक सहमती भइसकेको र लिखित सम्झौता भने हुन बाकी रहेको बताइएको छ । चलचित्रमा मुख्य भुमिकामा भने अनमोल केसी नै रहने बुझिएको छ । अभिनेता अनमोललाई ७५ लाखको अफर गरेको भए पनि अन्य कलाकारहरुको पारिश्रमिक भने गोप्य राखिएको छ । त्यससँगै अन्य कलाकारहरु को को रहन्छन् भन्ने पनि प्रस्ट भइसकेको छैन । अभिनेत्री कसलाई अफर गर्ने भन्ने विषयमा अहिले नै फाइनल् भइनसकेको निर्देशक भट्टले बताएका छन् ।
सकेसम्म हामी फ्रेस अनुहार खोज्ने प्रयास गर्दै छौँ नभए हाल चर्चामा रहेका अभिनेत्रीहरु मध्य मै कसैलाई आफर गर्छौ निर्देशक भट्टले भने । कलाकारको छनोट र अफर हेर्दा चलचित्र निर्माणमा महंगो रकम लाग्ने देखिएको छ । खस्किदो नेपाली चलचित्र बजारमा बन्न लागेको उक्त चलचित्र आशाको दियो बन्न सकोस् , शुभकामना ।
Discussion about this post