बिशेष अनलाइन । संजोग राईले निर्देशन गरेको चलचित्र ‘देवी’को शीर्ष गीत सार्वजनिक भएको छ । शुक्रबार सार्वजनिक गीतको भिडियोमा अभिनेत्री शिल्पा मास्के फिचर्ड रहेकि छिन् ।
चलचित्रको शीर्ष गीतमा रोहित शाक्यको संगीत रचना र स्वप्नील शर्माको संगीत रहेको छ । मिङ्मा डि लेप्चाले नृत्य निर्देशन गरेको गीतमा वशिष्ठ घिमिरेको छायांकन, उज्वल जोशीको रङ् संयोजन, सन्तोष दवाडीले सम्पादन गरेका छन् ।
तीजको छेकोमा भदौ २१ गतेदेखि प्रदर्शनमा आउन लागेको चलचित्रमा मास्केसहित गौरव पहारी, नाजिर हुसेन, टीका पहारी, प्रभाकर न्यौपाने, ध्रुव कोइराला, निरिक्षा घतानी, विशाल पहारी, निरु खड्का, जीवनजंग खड्का र विकास पन्तको अभिनय रहेको छ ।
क्राइम थ्रिलर जनरामा निर्माण भएको चलचित्रमा संजोगले निर्देशनमा डेब्यु गरेका हुन् । निर्देशक राईले चलचित्र मार्फत यौन हिंसा विरुद्धको कथालाइ उठान गर्ने प्रयत्न गरेका छन् ।
रेमन गुरुङ र सञ्जोग राईको निर्माण रहेको चलचित्रको कार्यकारी निर्माता जावेद खान तथा सह-निर्मातामा शिल्पा मास्के, उजेन नोर्वे गुरुङ, नारायण गुरुङ र मिलन लामा हुन् । जोएल फ्रोमको डिओपी रहेको चलचित्रको पटकथा लेखनमा निर्देशक राईलाई अजय गौतमले सघाएका छन् । चलचित्रलाइ मनोज राठी र उज्वल पौडेलले वितरण गर्दैछन् ।
क्जिबिट स्टुडियोको प्रस्तुतिमा बनेको चलचित्रलाइ प्रदर्शनका लागि बाँसुरी फिल्म्सले सहकार्य गरेको छ ।
Discussion about this post