बिशेष अनलाइन । आकाश बरालले निर्देशन गरेको चलचित्र ‘बेहुली फ्रम मेघौली’को टिजर सार्वजनिक भएको छ । हलमा गत हप्ता रिलिज भएको टिजरले नेपाली समाजमा पछिल्लो समय चलनचल्तीमा रहेको विवाह संस्कृतिलाई कथा बनाएको झल्काउन खोजिएको छ । चलचित्रमा अभिनेता निश्चल बस्नेत र अभिनेत्री स्वस्तिमा खड्काको मुख्य भूमिका रहेको छ । सामाजिक कथामा कमेडी मिश्रित चलचित्रको टिजरले दर्शकमाझ उत्सुकता पैदा गर्न सफल देखिन्छ ।
चलचित्रमा निश्चल र स्वस्तिमाका सहित वसुन्धरा भुषाल, बिजय बराल, सिमरन खड्का, लोकेन्द्र लेखक, रक्षा थापा, सिरु बिष्ट, आमिर गौतम, शिशिर सिवाकोटी, टीका पहारी, प्रभाकर शर्मा, लुनिभा तुलाधर, मुकुन्द मैनाली र रामबाबु रेग्मी लगायत कलाकारहरुको अभिनय रहेको छ ।
ब्ल्याक हर्स पिक्चर्स र मेघौली फिल्मस्को ब्यानरमा निर्माण भएको चलचित्रमा साजन काफ्ले र निर्देशक बरालको लेखन रहेको छ । चलचित्रका कार्यकारी निर्माता फिरोज खड्का र शंकर पाण्डे हुन् ।
नरेन्द्र मैनालीको छायाङ्कन, प्रदीप लामा र केवीका खत्रीको कोरियोग्रफी, जयन जे वाइवा र कुशल पोखरेलको सङ्गीत, निमेष श्रेष्ठको सम्पादन रहेको फिल्मलाई एप्पल इन्टरटेनमेन्ट र डिसिएनले वितरण गर्दै छन् ।
चलचित्र दसैँको घटस्थापना असोज १७ गतेबाट प्रदर्शनमा आउँदै छ ।
Discussion about this post