विशेष अनलाइन । सुदर्शन थापा निर्देशित चलचित्र ‘रावायण’को ट्रेलर सार्वजानिक भएको छ । बिहीबार काठमाडौंमा एक कार्यक्रमका बीच चलचित्रको ट्रेलर सार्वजनिक गरिएको हो । ट्रेलरमा द्वन्द्वका दृश्य र एक्सनलाई प्राथमिकता दिइएको छ।
हिंसात्मक बाटो अपनाएको एउटा पात्रले प्रेमका लागि मच्चाएको वितण्ड र प्रेमको रक्षाका लागि अर्को पात्रले गरेको संघर्षलाई ट्रेलरले देखाउँछ । दोहोरो भूमिकामा देखिएका अभिनेता पल सशक्त एक्सन अवतारमा प्रस्तुत देखिएका छन् । अभिनेत्री पूजा शर्मा टीभी पत्रकारको भूमिकामा छिन् । अर्की अभिनेत्री प्रियंका कार्की मुश्लिम महिलाको भूमिकामा देखिएकी छन् ।
निर्देशक थापाको निर्माणमा रहेको चलचित्रमा पल र पूजाका साथमा प्रियंका कार्की, प्रमोद अग्रहरी, प्रकाश शाह, अर्जुनजंग शाही, शर्मीला मल्ल, निकिता चण्डक लगायत कलाकारहरुको अभिनय रहेको छ।
चलचित्र ‘रावायण’ सुदर्शन थापा प्रोडक्सन र पूजा शर्मा प्रोडक्सनको संयुक्त ब्यानरमा बनेको हो।चलचित्रको निर्माता पूजा शर्मा हुन् । सुशन पाठक कार्यकारी निर्माता हुन्। निर्देशक थापाको कथा, शिवम अधिकारीको लेखन रहेको चलचित्रमा सौरभ लामाको छायांकन, श्री श्रेष्ठको एक्सन, मिलन श्रेष्ठको सम्पादन रहेको छ।
Discussion about this post