विशेष अनलाइन । निमेष श्रेष्ठले निर्देशन गर्न लागेको चलचित्र ‘लाइफ ड्यामेज’ निर्माण गर्ने घोषणा गरिएको छ । कन्टेन्ट क्रिएटरको रुपमा परिचित श्रेष्ठले फेन्टासी कमेडी ड्रामा’ जनरामा चलचित्र बनाउन लागेका हुन्।
निर्देशक श्रेष्ठले स्वयम अभिनेत्री सुरक्षा पन्तसँग चलचित्रमा शीर्ष भूमिकामा अभिनय गर्दैछन् । शुक्रबार कमलादीस्थित गणेश मन्दिरमा पूजा गर्दै मुहूर्त गरिएको हो । मुहूर्तमा सुरक्षा र निमेशसहित चलचित्रका प्रमुख कलाकार र प्राविधिक टोली उपस्थित थिए ।
फन रिभोलुसन इन्टरटेनमेन्टको ब्यानरमा बन्ने चलचित्रमा ईशा थापा, सञ्जना महर्जन, अमोघ अर्याल, अनिषजंग थापा, अजय पन्त, निरू खड्का लगायत कलाकार्हरुको अभिनय रहने छ । यसै वर्ष रिलिज गर्ने लक्ष्य राखिएको चलचित्रलाई निमेष र ईशाले लेखेका हुन् ।
निर्देषक श्रेष्ठ भन्छन् ,‘अर्काको जुत्तामा उभिंदा वा अरूको जीवन बाँच्दा हुने अनुभव कस्तो हुन्छ भनेर हामीले यस चलचित्रमा देखाउन खोजेका छौं ।’
प्रवीण खड्काको छायांकन, नीमा श्रेष्ठको सम्पादन, अभिषेक खरेलको प्रोडक्सन डिजाइन, आयुष महर्जनको कला निर्देशनमा चलचित्र निर्माण हुन लागेको हो ।
Discussion about this post