विशेष अनलाइन ।आगामी भदौ २७ गते रिलिज हुन लागेको चलचित्र ‘अभिमन्यु : च्याप्टर १’ ले आफ्नो शीर्ष गीत सार्वजनिक गरेको छ। गीतमा चर्चित युवा र्यापर भियोमाले शब्द, संगीत र स्वर दिएका छन्। यसअघि अनुपविक्रम शाही अभिनीत ‘लाखे’ बाट चलचित्र गायनमा डेब्यू गरेका भियोमाले यसपटक अभिनय पनि गरेका छन्। भिडियोमा उनलाई प्रत्यक्ष देख्न सकिन्छ।
गीतले पैसाले मान्छेको सम्बन्धमा ल्याउने असर र यथार्थपरक कथालाई प्रस्तुत गरेको छ। पैसामा साटिने माया र त्यसले जन्माउने टुटफुटलाई गीतमार्फत देखाइएको छ। सुशान्त गौतम निर्देशित यो चलचित्र सेभेन सिज सिनेमाको प्रस्तुतिमा बनेको हो। निर्माता विनोद पौडेल र गुञ्जन गिरी हुन् भने रमेश चौलागाईं र हरि श्रेष्ठ सह-निर्मातामा छन्। कार्यकारी निर्मातामा विशाल लामा, हरि मोक्तान, कृष्ण भट्टराई, नीराजन लुइँटेल र सन्देश श्रेष्ठ छन्।
चलचित्रमा कामेश्वर चौरासिया, किरण श्रेष्ठ, सरिता गिरी, गौमाया गुरुङ, लक्ष्मी बर्देबा, शिशिर वाङ्देल, प्रकाश दाहाल र सुष्मा निरौला लगायतका कलाकारको अभिनय छ। नेपाली संस्करणसँगै यसको हिन्दी संस्करण असोज ६ गतेदेखि प्रदर्शन हुने तयारीमा छ।
Discussion about this post