विशेष अनलाइन । नेपाली चलचित्र ‘माइतीघर’ रिलिज नजिकिँदै गर्दा यसको शिर्ष गीतले दर्शकमाझ अभूतपूर्व उत्साह जगाएको छ। असोज १३ गते फूलपातीका दिन प्रदर्शनमा आउने फिल्मसँगै जोडिएको नृत्य प्रतियोगिता सोमबारदेखि सुरु भएको हो। प्रतियोगिताको पहिलो २४ घण्टामै हजारौँ भिडियो निर्माण पक्षसम्म पुगेका छन् भने ओएसआर डिजिटलका सामाजिक सञ्जालमार्फत १५ देखि २० लाखसम्म भ्यूज आइसकेका छन्।
निर्माता रोहित अधिकारीका अनुसार, दर्शकको अप्रत्याशित सहभागिताले टिमलाई थप ऊर्जा प्रदान गरेको छ। प्रारम्भिक घोषणा अनुसार केवल पहिलो हुनेले ५ लाख रुपैयाँ नगद पुरस्कार पाउने व्यवस्था गरिएको भए पनि निर्माण पक्षले अब दोस्रो र तेस्रो स्थान हासिल गर्नेलाई समेत पुरस्कृत गर्ने निर्णय गरेको छ। साथै, प्रतियोगितामा सहभागिता जनाउने कतिपयलाई पनि खाली हात नछोड्ने तयारी गरिएको छ।
सञ्जिवनीको स्वरमा सार्वजनिक गरिएको शिर्ष गीतमा उपासना सिंह ठकुरी र श्यामाश्री शेर्पाको नृत्य समावेश छ। कविराज गहतराजको कोरियोग्राफी, मानकृष्ण महर्जन र सुशन प्रजापतिको छायांकन तथा सुरेन्द्र पौडेलको सम्पादनमा तयार भएको गीतले छोटो समयमै लोकप्रियता हासिल गरेको छ।
फिल्ममा केदार प्रसाद घिमिरे, धिरज मगर, प्रकाश सपुत, उपासना सिंह ठकुरी, श्यामाश्री शेर्पा, युवराज लामा, वुद्दि तामाङ, शिशिर वाङ्देल, रजनी गुरुङ, सन्तोष शाही, फूलकुमार बमजम र संगीता थापा लगायतका कलाकारको दमदार अभिनय देख्न सकिनेछ।
चन्द्रकुमार दोङले कथा लेखेका यस फिल्मलाई रामशरण पाठकले पटकथा तथा संवादमा रूप दिएका छन्। रबिन शेरचन र धिरज तामाङले लगानी गरेको फिल्मका कार्यकारी निर्माता ईश्वर श्रेष्ठ र निरज कटुवाल हुन्
Discussion about this post