विशेष अनलाइन । बहुचर्चित चलचित्र ‘जारी २ : सङ अफ च्याब्रुङ’ ले आफ्नो पहिलो गीत ‘अम्लारी फूल’ सार्वजनिक गरेको छ। गीतमा अभिज्ञा घिमिरे र विकास लिम्बुले स्वर दिएका छन् भने शब्द सुष्मा सिग्देल र संगीत सुशान्त गौतमको रहेको छ ।
लिम्बू संस्कृतिमा आधारित पालम, हाकपारे र ख्यालीलाई प्रस्तुत गरिएको यो गीतमा दयाहाङ राईसँगै याशेली योङहाङलाई देख्न सकिन्छ। यसअघि सफल भएको ‘जारी’ को सिक्वेलका रूपमा तयार भएको यो फिल्म अहिले नै दर्शकमाझ उत्सुकता जगाइरहेको छ।
रामबाबु गुरुङ, मधु मिजार र जीवन गुरुङ निर्मातामा रहेको यस चलचित्रलाई उपेन्द्र सुब्बाले निर्देशन गरेका हुन्। संविधान दिवसको अवसर पारेर असोज ३ गतेबाट फिल्म प्रदर्शन हुने जनाएको छ।
Discussion about this post