विशेष अनलाइन । दिनेश राउतको निर्देशन रहने चलचित्र ‘कुमारी’ को छायाङ्कन सुरु भएको छ । मंगलबार ललितपुरको बङ्गलामुखी मन्दिरमा चलचित्रको शुभ मुर्हूत गर्दै छायाङ्कन सुरु भएको हो । चलचित्रको छायाङ्कन ललितपुरकै पाटन क्षेत्रबाट सुरु गरिएको हो । छायाङ्कन तालिका ३५ दिनको राखिएको छ ।
निर्देशक राउतले ‘आइ एम सरी’, ‘नोभेम्बर रेन’, र ‘क्लासिक’जस्ता सफल प्रेमकथामा आधारित चलचित्र निर्देशन गरेपछि सामाजिक विषयमा केन्द्रित ’पर्व’, ’महाभोज’, ‘प्रसाद’, ‘प्रकाश’ र ’पुजार सार्की’ जस्ता चलचित्र पनि निर्देशन गरेका थिए । उनले ‘कुमारी’ मार्फत फेरि प्रेमकथाको संसारमा फर्केका हुन् ।
चलचित्रमा अभिषेक खड्का, आकृति राजभण्डारी, घनश्याम जोशी, सुनिता श्रेष्ठ, आकाङ्क्षा कार्की, मधु खड्का, सनम श्रेष्ठ, सकु शाह, सरोज लामिछाने, मनीषा शर्मा, र भूपी लुहार लगायत कलाकारहरूको अभिनय रहनेछ ।
विनिश इन्टरटेन्मेन्टले पिक्चर फ्रेमको सहकार्यमा निर्माण गरिरहेको चलचित्रलाई महेन्द्र अधिकारीले निर्माण गर्दै छन् भने स्क्रिप्ट विकास सुवेदीले लेखेका हुन् । चलचित्रमा सङ्गीत केहर सिंह लिम्बु, सुमन तामाङ, र प्रशान्त सिवाकोटीको रहनेछ । सुसन प्रजापतिको छायाङ्कन रहने चलचित्रका कार्यकारी निर्मातामा केदार भुसाल हुन् । चलचित्रमा किरण थापाको कोरियोग्राफी रहनेछ ।
Discussion about this post