विशेष अनलाइन । अशोक थापा मगरले निर्देशन गरेको चलचित्र ‘खुस्मा’को ट्रेलर सार्वजनिक भएको छ । मंगलबार आयोजित पत्रकार सम्मेलनमा धीरज मगर र उपासना सिंह ठकुरीको मुख्य अभिनय रहेको चलचित्रको चार मिनेटको लामो ट्रेलर सार्वजानिक गरिएको हो । सार्वजानिक ट्रेलरले चलचित्रको कथावस्तु, चरित्र चित्रण र परिवेशलाइ प्रस्तुत गरेको छ ।
सामाजिक र सांस्कृतिक मूल्य मान्यताविरुद्ध उभिएका पात्रले सम्बन्धलाई कसरी अघि बढाउँछन् र महिलाले पाइलै पिच्छे गर्नुपरेको संघर्षलाइ चलचित्रको ट्रेलरमा देखाइएको छ । दशक लामो सशस्त्र द्वन्द्वको परिवेश रहेको कोचलचित्रको कथाले उक्त समयमा अंकुराएको एक जोडीको प्रेम र उतार चढावलाई प्रस्तुत गरेको छ ।
संविधान दिवसको अवसर पारे असोज ३ गतेदेखि प्रदर्शनमा आउने चलचित्रमा धिरज र उपासना सहित माओत्से गुरुङ, खड्क बहादुर पुन (खबपु), सुजाता राई, विजय सुब्बा, राज थापा काउचा, अस्तित्व भट्टचन, संगीता थापा मगर, अरुन मगर, सारा राई, श्वेता मिश्र, विवेश मगर लगायतका कलाकारहरुको अभिनय रहेको छ ।
चलचित्रको पटकथा तथा संवाद निर्देशक अशोकको रहेको छ । एम मिडिया प्रालिको ब्यानरमा निर्माण भएको चलचित्रको निर्मार्ता विर बहादुर लामा, चन्द्र बहादुर भट्टचन, मान बहादुर धनाह मगर र बेतान मगर रहेका छन् । चलचित्रको सह-निर्मार्ता सुस्मिता बुढाथोकी रहेकि छिन् । चलचित्रको छायाङ्कन दीपक बज्राचार्यले गरेका छन् । मगर समुदायको आञ्चलिकतामा भनिएको चलचित्रलाइ पश्चिम नेपालमा छायांकन गरिएको हो ।
Discussion about this post