इटहरी / पछिल्लो समय निक्कै चर्चामा रहेको गीत हो फूलबुट्टे सारी । यो गीत बालख देखी बृद्धसम्मको मूख मूखमा झुन्डिएको छ । बोलको गीतको संस्कृत भर्सनमा समेत सार्वजनिक भएको छ ।
गायक मार्मिक लामाबाट सुरु भएको यो गीत फिमेल भर्सनमा गायिका मिलन नेवार, चाइल्ड भर्सनमा अरिष्मा शिवाकोटी,लेजेन्डरी भर्सनमा वरिष्ठ हास्यकलाकार मदनकृष्ण श्रेष्ठ हुदै युगान्डाकी बियोन्से फामासी नामकी गायिकाले समेत यो गीत गाएकी छन् । सोही कारण पनि पछिल्लो समय युगान्डाकी बियोन्से फामासी नेपालमा निकै चर्चित बनेकी छन् ।
राजनराज शिवाकोटीको संगीतमा रहेको यो गीतलाई जागरण घिमिरेले संस्कृतमा गाएका हुन् । गीतका शब्दलाई के एन स्वामीले संस्कृतमा अनुवाद गरेका हुन् ।गीतको संस्कृत भर्सनसँगै भिडियो ‘केएन स्वामी अफिसियल’ नामको युट्युब च्यानलबाट सार्वजनिक गरिएको छ।
फूलबुट्टे सारी बोलको यो गीत पञ्जाबी भाषामा समेत रेकर्ड भइसकेको संगीतकारसिवाकोटीले बताएका छन् । । यस गीतमा बनेका हरेक भर्सनहरुलाई नेपमली दर्शकले निकै रुचाएका छन् ।
Discussion about this post