विशेष अन्लाइन । कलाकार सागर लम्साल ‘बले’ को मुख्य भूमिका रहने चलचित्र ‘डल्लेले इन्ट्री मार्यो’ को छायांकन सुरु गरिएको छ। मंगलबारदेखि काठमाडौँको गागलफेदी क्षेत्रबाट चलचित्र छायांकन थालिएको हो। बलेले सामाजिक सञ्जालमार्फत छायांकन सुरु भएको जानकारी दिएका छन्।
चलचित्र को लेखन लक्ष्मण सुवेदीले गरेका हुन् भने निर्देशन राजु गिरीले गरिरहेका छन्। उषा फिल्म्स प्रा.लि.को ब्यानरमा निर्माण भइरहेका यस चलचित्रमा बलेसँगै रोशनी खड्का, रमेश बुढाथोकी, विनोद न्यौपाने, विशाल पहाडी, हेमन्त बुढाथोकी, ध्रुव कोइराला, आशा पौडेल र प्रिया रिजालको पनि अभिनय रहनेछ।
चलचित्रको छायांकन श्याम तामाङ र सम्पादन गौतमराज खड्काले गर्ने छन्। निर्माण टिमका अनुसार चलचित्रको कथा मनोरञ्जनसहित सामाजिक सन्देशमा आधारित हुनेछ।
Discussion about this post