‘विशेष अनलाइन । तिहारको भाइटीका अर्थात् कात्तिक ७ गतेदेखि देशभर प्रदर्शनमा आउन लागेको चलचित्र ‘मैझारो’को ट्रेलर सार्वजनिक गरिएको छ।मंगलबार निर्माण टिमले सार्वजनिक गरेको तीन मिनेट ४९ सेकेन्ड लामो ट्रेलरमा प्रेममा समर्पित एक युवाले भोग्ने संघर्ष र त्यसपछि उत्पन्न हुने समस्याको कथा प्रस्तुत गरिएको छ।
ट्रेलरमा चलचित्रका मुख्य कलाकार धीरज मगर, मिरुना मगर, दिया पुन र दयाहाङ राईलगायतका कलाकारहौलाइ फिचर गरिएको छ। निर्देशक राई स्वयं पनि चलचित्रमा अभिनय गरेका छन्। विल्सन विक्रम राई (तक्मेबुढा) को लेखन र निर्देशनमा बनेको चलचित्रमा बुद्धि तामाङ, सुनिल थापा, पुस्कर गुरुङ, अभयराज बराल, माउत्से गुरुङ, कविता आले, रजनी गुरुङ, प्रेम सुब्बा, उदय सुब्बा, अनिल सुब्बा, भूपेन्द्र लिङदेन र विशाल लिम्बू लगायतका कलाकारहरुको अभिनय रहेको छ।
तक्मे प्रोडक्सनको ब्यानरमा निर्माण भएको चलचित्रको गीतमा अनमोल गुरुङ र तोरेम्पाहाङ राईले संगीत भरेका छन् भने सौरभ लामाले छायांकन गरेका हुन्। चलचित्रको वितरण आरआर फिल्मसले लिएको छ भने डिजिटल अधिकार ओएसआरले प्राप्त गरेको छ।
Discussion about this post