‘मोहर’को नयाँ गीत ‘झुम झुम झुम्किका’ सार्वजनिक

विशेष अनलाइन । साउन २३ गतेबाट रिलिज हुने नेपाली चलचित्र ‘मोहर’ को दोस्रो गीत ‘झुम झुम झुम्किका’ सार्वजनिक गरिएको छ। सोमबार सार्वजनिक भएको गीतमा एसडी योगी र विज्ञानी पराजुली को आवाज रहेको छ। गीतमा शब्द हर्क साउद को र संगीत एसडी योगी ले दिएका छन्।

गीतको भिडियोमा चलचित्रका मुख्य कलाकार पल शाह र बेनिशा हमाल लाई फिचर गरिएको छ। भिडियोमा उनीहरू रमाइलो नृत्य गर्दै देखिएका छन्। यसअघि सार्वजनिक शीर्ष गीतमा पल शाह र नीति शाह को जोडी देखिएको थियो। फिल्म मेकर्स प्रा.लि. को ब्यानरमा बनेको यस चलचित्रका निर्माता चुम्बन जंग शाही हुन्। चलचित्रमा अर्जुन जंग शाही, रवीन्द्र झा र लक्ष्मी गिरी पनि प्रमुख भूमिकामा छन्।

चलचित्रमा कुमार महर्जनको एक्सन, दिपेन बस्न्यातको छायाङ्कन, र संगीतमा सुरेश अधिकारी, एसडी योगी र थानेश्वर गौतम को योगदान रहेको छ। देउकी प्रथा को कथामा आधारित यो चलचित्रको कोरियोग्राफी कविराज गहतराज ले गरेका छन्।