विशेष अनलाइन । निर्देशक प्रदीप शाहीको निर्देशनमा बनेको चलचित्र ‘एक्लो’ को फर्स्टलुक भिडियो सार्वजानिक भएको छ। आइतबार सार्वजनिक गरिएको फर्स्टलुक भिडियो सार्वजानिक गरिएको हो ।
सार्वजानिक फर्स्टलुक भिडियोमा प्रदीप खड्का, बेनिशा हमाल, दीया मास्के, विजय लामा, सुनील थापा, सुरजसिंह ठकुरी, कविता नेपाली, एवन राज उप्रेती र बेलायती कलाकार जेमी बेकनका पात्रहरू देखिएका छन् । प्रदीप यो चलचित्रमा एक शक्तिशाली योद्धाको भूमिकामा देखिएका छन् । सेतो घोडा र पृष्ठभूमिको आगोले उनको चरित्र फरक र रोचक देखिन्छ ।
सार्वजानिक भिडियोमा चलचित्र आगामी पुष महिनामा आउने उल्लेख गरिएको छ । तर, हालसम्म प्रदर्शन मिति भने तय गरिएको छैन । चलचित्रमा दिनेश डीसी, त्रिचु राई, कृष्णभक्त महर्जन, विकास अधिकारी, दिग्गज खत्री, विनोद सुवेदी ‘क्षितिज’, श्रीशेष श्रेष्ठ र बाल कलाकार जेमिन श्रेष्ठ, स्योन सविक सिंहको पनि अभिनय रहेको छ ।
करिब दुई महिनादेखि चलचित्रको पोस्ट-प्रोडक्सनको काम बेलायतमा भइरहेको छ । चलचित्रको प्रचार–प्रसारका लागि यसै वर्षको मे महिनामा फ्रान्सको कान्स फिल्म फेस्टिभलमा स्टल राखिएको थियो ।
चलचित्रका निर्माता राजुकुमार गुरुङ, हरि श्रेष्ठ, विष्णु तामाङ, उत्सव विष्ट, भाइराजा थापा, नवीन सिवा, बागवीर पुन, भुवन अधिकारी, संगीता वादी श्रेष्ठ, रितेश राना, सुशील प्रजापति र शशिकला गुरुङ हुन् । कार्यकारी निर्माता विनोद सुवेदी ‘क्षितिज’ हुन् । चलचित्रको छायांकन बाबु श्रेष्ठले, सम्पादन रुपेश गुरुङले र द्वन्द्व निर्देशन राजु तामाङले गरेका छन् ।
Discussion about this post