‘ऊनको स्वीटर’ को टिजर सार्वजनिक, वैशाख २६ गतेदेखि प्रदर्शन

विशेष अनलाइन । नेपालको पूर्वी पहाडी जिल्ला पाँचथरको बहुसांस्कृतिक पृष्ठभूमिमा आधारित चलचित्र ‘ऊनको स्वीटर’ (The Woolen Sweater) को अफिसियल टिजर सार्वजनिक भएको छ। आर्टमाण्डु नेपालको ब्यानरमा निर्माण भएको यो चलचित्र आगामी वैशाख २६, २०८२ (May 09, 2025) मा प्रदर्शन हुँदै छ।

दर्शकलाई प्रेम र मानव सम्बन्धको आत्मीयताको महसुस गराउने कथावस्तुमा आधारित यो चलचित्र नविन चौहान को लेखन तथा निर्देशनमा बनेको हो। चलचित्रमा बिपिन कार्की (धरणीधर) र मिरुना मगर (फूल) को प्रमुख भूमिका रहेको छ। टिजर हेर्दा नै चलचित्रले दर्शकलाई भावनात्मक बनाउने संकेत गरेको छ।

चलचित्रमा बिपिन कार्की, मिरुना मगर, सुनिल पोखरेल, माओत्से गुरुङ, विल्सन विक्रम राई, प्रेम सुब्बा, एलेक्स परास, परीक्षा लिम्बू, सुरज तामु, मेनुका प्रधान लगायतका चर्चित कलाकारको अभिनय रहेको छ।

चलचित्रको संगीत निर्देशन कोविद बज्र ले गरेका छन् भने गीतहरू सुजन चापागाईं, झुमा लिम्बू, सुनिता थेगिम, सलिना बीके लगायतका कलाकारहरूले गाएका छन्।

यस अघि सर्वजनिक ‘मखमली’ बोलको गीतलाई दर्शकले निकै रुचाएका छन्  ।

चलचित्र काठमाडौं उपत्यकाभित्र काफिया फिल्म्स प्रा. लि.  र काठमाडौं उपत्यकाबाहिर कुबेर सिनेले डिस्ट्रीब्युसन वितरण गर्ने छ। ।

चलचित्र ‘ऊनको स्वीटर’ ले नेपाली सिनेमा उद्योगमा नयाँ धारको कथा प्रस्तुत गर्ने अपेक्षा गरिएको छ। प्रेम, संवेदना, र आत्मीयताको मिहिन चित्रण गर्ने यो चलचित्रलाई दर्शकहरूले कत्तिको मन पराउनेछन्, त्यो भने वैशाख २६ गते मात्र थाहा हुनेछ।