विशेष अनलाइन । चलचित्र ‘११:५५’को ट्रेलर सार्वजनिक भएको छ । बिहीबार काठमाडौंमा एक कार्यक्रमा साढे तीन मिनेटको ट्रेलर सार्वजनिक गरिएको हो । सार्वजानिक ट्रेलरमा विवाहेत्तर सम्बन्ध र सम्पत्तिका लागि भएको धोका, षड्यन्त्र र अपराधलाई देखाउन खोजिएको छ ।
ट्रेलर सार्वजनिक कार्यक्रममा निर्देशक पाण्डेले आफूलाई फरक काम गर्न मन लाग्ने भएकाले डेब्युका लागि क्राइम थ्रिलर छानेको बताए । सहर केन्द्रित दर्शकलाई लक्षित गरेर चलचित्र बनाएको उनको भनाइ छ । कथा सहरमा केन्द्रित छ । यसैले हाम्रो लक्षित दर्शक सहरकै हुन्,’ उनले भने, ‘चलचित्र तथा सिरिजमा फरक चिज प्रयोग गरिएको रुचाउने दर्शकलाई ‘११:५५’ मन पर्नेछ ।’
आगामी चैत ८ गतेबाट प्रदर्शनमा आउन लागेको चलचित्रमा सृष्टि श्रेष्ठ, महेश त्रिपाठी, करिष्मा श्रेष्ठ, सागर खनाल, बुद्धि तामाङ, विशाल पहारी, एमएस अग्रज लगायतका कलाकारहरुको अभिनय रहेको छ ।
केशव पाण्डेको कथा तथा निर्देशन रहेको चलचित्रमा श्याम शर्मा र सरोजा शर्मा निर्माता तथा एमएस अगराज कार्यकारी निर्माता रहेका छन् । क्राइम-थ्रिलर जनरामा निर्माण भएको चलचित्रमा प्रद्युमन मिश्रको डिओपी, रामशरण उप्रेतीको सिनेमाटोग्राफी, पासाङ दावा शेर्पाको सम्पादन तथा देव महर्जनको द्वन्द्व निर्देशन छ ।
Discussion about this post