प्रदर्शन तयारीमा गुरुङ सोल्टीको ‘सिक्किम लब’

विशेष अनलाइन  । भूपू लाहुरे निर्देशक गुरूङ सोल्टी उर्फ नवीन गुरूङद्वरा लिखित एवम् निर्देशित चलचित्र ‘सिक्किम लब’ प्रिमियरको तयारीमा छ । कमेडी, लब र ईमोशन मिश्रित चलचित्र घरेलु पर्दा, सिक्किममा प्रिमियर हुदैछ ।

“सिक्किम लब तयारी अवस्थामा छ ।”, कार्यकारी निर्माता समेत रहेका सिक्किम राज्यबाट विभूषित वरिष्ठ कलाकार तथा सिक्किम लबका कास्टिङ डाइरेक्टर समेत रहेका सोनम डेन्जोङ्पा भुट्टियाले भने, “सिक्किममा प्रिमियर गरिसकेपछि नेपालमा समेत प्रदर्शन गर्नेछौं ।”

उमेर पुगेर पनि बिहे नभएका युवा, युवतीलाई पर्ने सामाजिक एवम् पारिवारिक दबाब, उनीहरूको आफ्नै इच्छा र मनोभावना साथै डिस्टेशन लब बारे चलचित्रले कमेडी शैलीमा प्रस्तुत गरेको, लेखक समेत रहेका निर्देशक गुरूङले बताए ।

कथा लेखनमा सहयोग गरेका हाउ टु डेभलोप दि नेशन सिक्नेचर डाइलगले दर्शक हँसाउन तयार सिक्किमका वरिष्ठ अभिनेता डेन्जोङ्पा भुट्टियाले चलचित्रमा कमेडीसँगै मामा-भान्जीको मर्मस्पर्शी सम्बन्ध, प्रेम र आमा बितेपछि बाउ छोरीको द्वन्दलाई पनि सिनेमेटिक रूपमा प्रस्तुत गरिएको दाबी गरे । उनका अनुसार, चलचित्रमा लब र ग्यालेमर समेत रहेको छ ।

चलचित्रमा अतिथि भूमिका निभाएका चलचित्रका निर्माता शैलेस प्रधानको स्वरमा मार्मिक गीत “केही क्षण..” शिर्ष गीत समेत समावेश छ । सो गीतका रचनाकार एवम् संगीतकार अल्बर्ट गुरूङ हुन् ।

चलचित्र प्रस्तोता समेत रहेका राजकुमार राई र देन्तामका पत्रकार तथा वाउ सिक्किमका प्रवन्ध निर्देशक दावा गुरूङको मित्रता र समस्या चलचित्रमा देख्न पाइन्छ ।

चलचित्रमा पिटर गुरूङ, डोल्मा भुट्टिया, छोडेन, छिरिङ, जिना, अम्बि, सुमन, टलदाश, रमेश, गंगा, राजेश, दिभ्या, जेहिल टार्गेन, आदर्श, पत्रकार अर्जुन आदिको अभिनय छ ।

जेहिल टार्गेनको खिचाई, पुकार गुरूङको कलर/सम्पादन, आलिया राईको ब्याकग्राउण्ड म्युजिक, गंगा सुनारको मेकअप, गुरूङ सोल्टी र जगत गुरूङ (सिक्किम, हाल: सिलिगुडी) को कथा र संवाद रहेको चलचित्र सिक्किम लबका निर्माता अञ्जुला गुरूङ राई र प्रकृति राई हुन् । चलचित्र सिक्किमपछि नेपालमा प्रदर्शन गरिनेछ ।