इटहरी / जब नेपालमा बिपत्ति आउँछ , सहयोगी हातहरु पनि दिल खोलेर सहयोगमा जुट्ने गर्छन् । त्यस्मा कलाकारहरुको पनि बाक्लो सहभागीता हुने गर्दछ । बिपत्तिमा सहयोगी भवनाका साथ काम गर्ने सेलिब्रेटीहरुमा अग्रपंक्तिमा आउने नाम हो अभिनेता पल शाह ।
पल यति बेला कोरोना संक्रमित भएर अक्सिजनको अभावमा जोखिम मोलिरहेका विभिन्न स्थानका नेपालीहरुलाइ बचाउनका निम्ति अभियान नै गरिरहेका छन । उनले अक्सिजन नपाएर मृत्युको मुखमा पुगेका संक्रमितहरुको ज्यान बचाउने उद्देश्यले अक्सिन सिलिण्डरको अभाव कम गर्नका लागि अभियान सञ्चालन सुरू गरेका हुन् ।
अक्सिजन नपाएर समस्यामा परेका विभिन्न अस्पतालहरुलाई २, ३ दिनभित्रै सहयोग पुग्नेगरी काम थालनी गरिएको अभिनेता शाहले जानकारी दिएका छन् ।‘अक्सिजन नपाएर अस्पतालमा समस्यामा परेकाहरूलाई सहयोगका लागि हामी अक्सिजन सिलिण्डर जम्मा गर्दैछौं। त्यस्तो समस्या भए हामीलाई खवर गर्न सक्नु हुन्छ, ` अभिनेता शाहले भनेका छन ।
उनले नेपालमा अक्सिजन प्रशस्त पाइने भए पनि सिलिण्डरको अभाव देखिएको बताएका छन । उनी सिलिन्डरको खोजीमा समेत लागेका छन ।त्यसको खोजी थालेको बताएका छन् ।
अभिनेता शाहले यस अघि पनि नेपालमा आई परेका विपत्तीमा सहयोग गर्दै आएका छन् । अघिल्लो पटकको कोरोना महामारीमा पनि उनले गायक दुर्गेश थापसग सहकार्य गरेर समस्यामा परेका नेपालीहरुलाई घर घरमै पुगेर सहयोग गरेका थिए ।
यसैले पनि अभिनेता शाहलाई पर्दाको मात्र नभएर रियल हिरोका रुपमा समेत चित्रण भइरहेको छ ।
Discussion about this post