जितु र नीति अभिनित ‘ज्वाइँ साब’को ट्रेलर सार्वजनिक

विशेष अनलाइन । वसन्त निरौला निर्देशक चलचित्र ‘ज्वाइँ साब’को ट्रेलर सार्वजनिक भएको छ । दुई मिनेट ५६ सेकेण्डको ट्रेलर युट्युब मार्फत सार्वजानिक गरिएको हो । चलचित्रको ट्रेलरमा कमेडीसँगै पीडा पनि देखाइएको छ ।

चलचित्रको ट्रेलरमा आफ्नो विवाह नगरिदिएर बुवाले आफैँ बिहे गरेपछि रिसाएका जितुको विवाह गर्ने यात्रालाईदे खाइएको छ । नीति शाहसँग विवाह गर्न तयार युवाले विभिन्न प्रतिस्पर्धा गरेको कुरालाइ ट्रेलरमा उतारेको छ । ट्रेलरमा चलचित्रका कलाकार जितु नेपाल, नीति शाह, बुद्धि तामाङ, हिमेश पन्त, रमेश बुढाथोकी, प्रकाश घिमिरे लगायतका कलाकार देखिएका छ्न् ।

राजकुमार पण्डित प्रस्तुतकर्ता रहेको चलचित्रमा जितु , नीति , बुद्धि, रमेश , प्रकाश , हिमेश सहित शिशिर वाङ्देल, निमा पाण्डे, शिवहरी वैरागी, राजेन्द्र नेपाली, कविता आले, शिवु पाण्डे, इशान राउत लगायतका कलाकारहरुको अभिनय रहेको छ ।क्रेड आइ फिल्मस्को ब्यानरमा निर्मित र समिर पण्डित, सौगात पण्डित र पदमलाल तामाङको लगानी रहेको चलचित्रमा विजय बस्याल कार्यकारी निर्माता हुन् । आगामी २४ गते फूलपातीको दिन रिलिज हुने भएको छ ।