‘पूर्ण बहादुरको सारङ्गी’को ‘दाहिने हातैमा’ बोलको गीत सार्वजनिक

विशेष अनलाइन । सरोज पौडेलको लेखन तथा निर्देशन रहेको चलचित्र ‘पूर्ण बहादुरको सारङ्गी’को दोस्रो गीत सार्वजनिक गरिएको छ । शुक्रवार चलचित्रको ‘दाहिने हातैमा’ बोलको गीत युट्युब मार्फत सार्वजानिक गरिएको हो । गीतमा शब्द, संगीत तथा स्वर प्रशान्त सिवाकोटीको रहेको छ ।

सरोज पौडेलको लेखन तथा निर्देशन रहेको चलचित्रमा प्रकाश सपूत, माओत्से गुरुङ, देशभक्त खनाल, भोलाराज सापकोटा, विनोद न्यौपाने, अलिसा बास्तोला, स्वायम् केसी, जाहन्वी पौडेल लगायतको पनि अभिनय रहेको छ । सेभेन सिस सिनेमा र बाँसुरी फिल्मस्को प्रस्तुति रहेको चलचित्रको निर्माता विनोद पौडेल र प्याट्रिक सुवेदी रहेका छ्न् । यो चलचित्रले गन्धर्व परिवारको कथा उठाएको छ ।

महेश दवाडीको पटकथा तथा संवाद लेखन रहेको चलचित्रका कार्यकारी निर्माता रमेश चौलागाईं, हरि श्रेष्ठ र रमेश ढकाल हुन् । चलचित्रमा प्रशान्त सिवाकोटीको संगीत, हेमन्त कान्छा रसाइलीको सारङ्गी, प्रशान्त सिवाकोटी, मेलिना राई र पुष्पन प्रधानको स्वर छ ।