विशेष अनलाइन । चलचित्र ‘खुस्मा’को ‘रुकुम मैकोट’ बोलको चर्चित गित युटुबको पहिको स्थामा पर्न सफल भएको छ । अभिनेता धिरज मगर र अभिनेत्री उपासना सिंह ठकुरीको मुख्य भूमिका रहेको चलचित्रको गीतले ७. ७ लाख बढी भ्युज प्राप्त गर्दै दुई दिनदेखि म्युजिकतर्फ ट्रेन्डिङको पहिलो स्थानमा रहन सफल भएको हो । असोज ३ गते संविधान दिवसको अवसर पारेर प्रदर्शनमा आउन लागेको चलचित्रको गीतलाई दर्शकले रुचाएका छन् ।
चलचित्रको गीतमा सुरेन्द्र राना को शब्द रहेको छ । एम मिडिया प्रालिको ब्यानरमा निर्माण भएको चलचित्रको लेखन तथा निर्देशन अशोक थापा मगरले गरेका हुन् । केही डकुमेन्ट्री चलचित्रको लेखन तथा निर्देशन गरेका मगरको यो पहिलो चलचित्र हो ।
चलचित्रमा धिरज र उपासनाका अलवा माओत्से गुरुङ, खड्क बहादुर पुन (खबपु), सुजाता राई, विजय सुब्बा, राज थापा काउचा, अस्तित्व भट्टचन, संगीता थापा मगर, अरुन मगर, सारा राई, श्वेता मिश्र, विवेश मगर लगायतका कलाकार लगायत कलाकारहरुको अभिनय रहेको छ ।
चलचित्रको निर्माता विर बहादुर लामा, चन्द्र बहादुर भट्टचन, मान बहादुर धनाह मगर र बेतान मगर रहेका छन् । सुस्मिता बुढाथोकी सह निर्माता रहेको चलचित्रलाइ दीपक बज्राचार्यले छायाङ्कन गरेका छन् ।मगर समुदायको परिवेशमा निर्माण भएको प्रेमकथामा आधारित चलचित्रले जनयुद्धको प्रभावका बीच अंकुराएको प्रेमलाई पर्दामा देखाउने छ । एसडी योगी र छान्जु पार्क (कोरियन)को सङ्गीत रहेको चलचित्रको वितरण गोविन्द शाहीले गरेका हुन् ।
Discussion about this post