चलचित्र ‘तेल भिसा’को‘हरि नाम झैं’ बोलको पहिलो गीत सार्वजनिक

विशेष अनलाइन । शंकर घिमिरेको लेखन तथा निर्देशनमा बनेको चलचित्र ‘तेल भिसा’को पहिलो गीत सार्वजनिक भएको छ । श्रीकृष्ण जन्माष्टमीको अवसरमा ‘हरि नाम झैं’ बोलको पहिलो लिरिकल गीत सार्वजनिक गरिएको हो । अभिनेता कार्कीकी दिवंगत आमाप्रति यो गीत समर्पित गरिएको छ ।

कल्याण सिंहको संगीत तथा हर्क साउदको शब्द रचना रहेको गीतमा निशान भट्टराई र समीरा थपलियाको स्वर छ । चलचित्रमा प्रमुख कलाकार विपिन कार्की, वर्षा राउत, पुजा चन्द, ऋचा घिमिरे, बुद्धि तामाङ र सुचित्रा उप्रेती गीतमा फिचर्ड रहेका छन् ।

वेलडन क्रियसनको व्यानरमा बनेको चलचित्रलाइ अनिल पाण्डे र शिवराज कार्कीले लगानी गरेका छन् । प्रिन्स युवराज कार्की र श्रुती दाहाल कार्यकारी निर्माता रहेको चलचितमा सुशन प्रजापतिको छायांकन रहेको छ । ऋचा घिमिरेको प्रस्तुति रहेको चलचित्रमा रामजी लामिछाने र शिशिर खातीको नृत्य, आशिष अविरल, कल्याण सिंह र कृष्ण भारद्धाजको संगीत, विजय बस्यालको पोस्टर डिजाइन र अजय खड्काको सम्पादन रहेको छ ।