विशेष अनलाइन । सिद्धार्थ पुडासैनीको निर्देशनमा बनेको चलचित्र ‘सानो संसार’को गित सार्वजनिक गरिएको छ । राजधानीमा आयोजित एक कार्यक्रम आयोजना गर्दै चलचित्रको ‘मग मग फूलबारी’ बोलको गित सार्वजनिक गरिएको हो ।
चलचित्रको जितमा मा सङ्गीतकार राजनराज सिवाकोटीको शब्द तथा सङ्गीत रहेको छ । गीतमा मेलिना राई र सङ्गीतकार सिवाकोटीले स्वर दिएका छन् । चलचित्रको यस गितमा मुख्य कलाकार सीताका घिमिरे, राज पंगेनी शर्मा देखिएका छन् । सुजैन खड्का र मनोज खड्काले गीतको कोरियोग्राफी गरेका हुन् ।
पारिवारिक कथावस्तुमा निर्माण भएको फिल्ममा सीता र राज सहित अनु दाहाल, अन्जसा रिजाल शिशिर सिवाकोटी, सरिता भण्डारी र जीवन गौतमलगायत कलाकारहरुको अभिनय रहेको छ । यी सबै कलाकारले यस चलचित्रबाट नेपाली रजतपटमा डेव्यु गरेका हुन् ।
राजधानी मिडिया एड प्रोडक्सन र प्रिन्सेस मूभिजको व्यानरमा निर्माण भएको चलचित्रलाइ अर्जुन कुमारले निर्माण गरेका हुन् । चलचित्रका कार्यकारी निर्माता माधव वाग्ले रहेका छन् । चलचित्रलाइ प्रवीन खड्काले छायाङ्कन गरेका हुन् । रोमी तन्डुकारले चलचित्रको सम्पादन गरेका छन् । चलचित्रको डिजिटल पाटर्नर म्युजिक नेपाल र क्रिएटिभ पाटर्नर टुनामुना कन्सेप्ट रहेको छ । राजधानी मिडिया र प्रिन्सेस मूभिजले चलचित्रलाई संयुक्त रुपमा प्रदर्शन गर्नेछन् ।चलचित्र असोज ११ गतेबाट सार्वजानिक प्रदर्शनको तयारीमा रहेको छ ।
Discussion about this post