विशेष अनलाइन । अशोक थापा मगरले निर्देशन गरेको चलचित्र ‘खुस्मा ‘ को दोस्रो गित सर्वजानिक भएको छ । आइतबार काठमाडौंको कमलपोखरी स्थित बिग मूभिजमा एक कार्यक्रमको आयोजना गर्दै चलचित्रको ‘रुकुम मैकोट’ बोलको गित सार्वजनिक गरिको हो ।
चलचित्रको गितमा सुरेन्द्र रानाको शब्द तथा रचना रहेको छ । गीतमा संगीतकार योगी र शान्तिश्री परियारले स्वर दिएका छन् । एसडी योगीको संगीत निर्देशन गरेको चलचित्रको गितमा अभिनेता धिरज मगर र अभिनेत्री उपासना सिंह ठकुरी फिचर्ड रहेका छन् । रिकेश गुरुङ संगीत निर्माता रहेको गीतको भिडियोलाइ सुरेन्द्र राईले कोरियोग्राफी गरेका छन् ।
संविधान दिवसको अवसर पारेर असोज ३ गतेबाट प्रदर्शनको तयारीमा रहेको चलचित्रमा धिरज र उपासना माओत्से गुरुङ, खड्क बहादुर पुन (खबपु), सुजाता राई, विजय सुब्बा, राज थापा काउचा, अस्तित्व भट्टचन, संगीता थापा मगर, अरुन मगर, सारा राई, श्वेता मिश्र, विवेश मगर लगायतका कलाकारहरुको अभिनय रहेको छ ।
एम मिडिया प्रालिको ब्यानरमा निर्माण भएको चलचित्रको निर्मातामा विर बहादुर लामा, चन्द्र बहादुर भट्टचन, मान बहादुर धनाह मगर र बेतान मगर रहेका छन्, भने सह–निर्माता सुस्मिता बुढाथोकी हुन् । मोहन राई कार्यकारी निर्माता रहेको चलचित्रमा दिपक बज्राचार्यको छायांकन रहेको छ । मगर समुदायको परिवेशमा निर्माण भएको चलचित्रको वितरण गोविन्द शाहीको काफिया फिल्मस्ले गर्ने भएको छ ।
Discussion about this post