‘पिताम्बर’मा दहायाङ अनुबन्धित, दयाहाङ, सौगात र प्रदीप एकसाथ देखिँदै

विशेष अनलाइन । कृषा चौलागाईंले निर्देशन गर्न लागेको चलचित्र ‘पिताम्बर’मा दहायाङ राइ अनुबन्धित भएका छन् । चलचित्र ‘कार्साङ’को छायांकन बाट मङ्गलबार काठमाडौं आए लगत्तै चलचित्र ‘पिताम्बर’ सम्झौता गरेका हुन् । अभिनेता दहायाङ भित्रीए सगै चलचित्रको ‘लाइनअप’ बलियो बनेको छ ।

यस अघि चलचित्रमा सौगात मल्ल, प्रदीप खड्का, आँचल शर्मा, आर्यन सिग्देल, सुरक्षा पन्त, अनुपविक्रम शाही, प्रमोद अग्रहरी लगयतका कलाकारहरू अनुबन्धित भइसकेको छन् । यस चलचित्रमा अभिनेता दयाहाङ, सौगात र प्रदीपको पहिलो सहकार्य हो । अभिनेता दयाहाङ, सौगात र प्रदीप चलचित्रमा एकसाथ देखिने भएका छन्।

यतिबेला चलचित्र को वर्कसप चलिरहेको छ । आगामी साताबाट चलचित्रको दोस्रो चरणको छायांकन सुरु गरिँदैछ । पहिलो चरणको छायांकन गत वर्ष नवलपरासीमा भएको थियो ।

लार्ज स्केल’मा निर्माण हुन लागेको चलचित्रमा दिव्य देव, कामेश्वर चौरासिया, सुपुष्पा भट्ट, गौरव विष्ट, विशाल पहारी लगायतको कलकारहरुको पनि अभिनय रहने छ ।

केपी फिल्मस्ले पुरुषोत्तम प्रधान फिल्मस्सँग सहकार्यमा चलचित्र ‘पिताम्बर’ बन्न लागेको हो । चलचित्रका छायांकार पुरुषोत्तम प्रधान हुन्। प्रदीप भारद्धाजको लेखन रहेको चलचित्रको निर्माता विशाल चौलागाई हुन्। चलचित्र ‘पिताम्बर’ को बजेट ५ करोड बताइएको छ।