विशेष अनलाइन । अभिनेता विराज भट्टको निर्माण तथा निर्देशन रहेको चलचित्र ‘१२ गाउँ’ को टिजर सार्वजनिक भएको छ । दशैंको फूलपाति अर्थात् असोज २४ गतेबाट प्रदर्शनको तयारीमा रहेको चलचित्रले शुक्रबार एक कार्यक्रम गर्दै टिजर रिलिज गरिएको हो । टिजरमा डेव्यु अभिनेता समीर भट्टलाई एक्सन अवतारमा प्रस्तुत गरिएको छ ।
गाउँको पृष्ठभूमिमा चलचित्रको टिजरमा सबै कलाकारले प्रथमिकता पाएका छन् । भारतमा बसेर मार्सल आर्ट र अभिनय सिकेका समीर भट्ट अभिनेता बिराज भट्टका छोरा हुन् । चलचित्रबाट समीरले अभिनेताको रुपमा डेब्यु गर्दैछन् । ‘१२ गाउँ’ मा अहिलेसम्म नेपाली चलचित्रमा नभएको एक्सन राखिएको निर्देशक भट्टले बताए ।
यस चलचित्र बाट पूर्वमिस नेपाल इन्टरनेशनल न्यान्सी खड्का र मोडल सनिशा भट्टराईले अभिनेत्रीको रुपमा डेव्यु गरेका छन् । चलचित्रमा विराज, समीर, न्यान्सी र सनिशा सहित मुरलीधर, कनिज कोइराला, नरेन खड्का, दीया मास्के, कृष्ण भट्ट, सोनु चन्द्रपाल, कालु राना, अर्जुनजंग शाही, भिष्म जोशी, शुलेमान शंकर (इकु), तारा शर्मा, किशोर भट्ट, सन्तोष सरकार र स्टन्ट शिल्भा लगायत कलाकारहरुको अभिनय रहेको छ ।
विराज भट्ट फिल्मस् पोडक्सन प्रस्तुतिमा चलचित्र निर्माण भएको हो । चलचित्रमा अर्जुन पोखरेल र निरजको संगीत रहेको छ । रामजी लामिछाने, सुनील क्षेत्री र कविराज गहतराज कोरियोग्राफी गरेकाअ हुन् । त प्रवीन केएल र भुपेन्द्र अधिकारीले सम्पादनगरेका छन् । चलचितमा विराज स्वयम्को कथा र सन्तोष सरकारको पटकथा तथा संवाद लेखन रहेको छ ।
चलचित्रको छायाङ्कन महेश पौडेलले गरेका हुन् । चलचित्रको छायाङ्कन काठमाडौँ, ललितपुर, वीरगञ्ज र हेटौँडा लगयतका ठाउहरुमा गरिएको छ । चलचित्रको वितरण काफिया फिल्मस् र कुवेर सिने डिष्ट्रिव्युसनले गर्नेछ ।
Discussion about this post