विशेष अनलाइन । लक्ष्मण सुनारको निर्देशनमा बनेको चलचित्र ‘बुलाकी’ आज (शुक्रबार)बाट प्रदर्शनमा आएको छ । पुनः प्रदर्शनमा आएको चलचित्र आज (शुक्रबार) बाट देशभर एकसाथ प्रदर्शनमा आएको हो । गत वर्षको वैशाखमा रिलिज भएको यो चलचित्रले उल्लेख्य सो पाउन नसकेकाले प्रदर्शन रोकेको थियो ।
चलचित्र ‘बुलाकी’ ले कर्णालीको संस्कृति र जीवन शैलीलाई उतारेको छ । जारी प्रथा , बेरोजगारीको समस्या, सन्तान नहुँदाको पीडा, कर्णालीको सङ्घर्षपूर्ण जीवनलाई चलचित्रमा देखाइएको छ ।
चलचित्रमा सुरक्षा पन्त, नरेन खड्का, बिराज विष्ट, रमेश बुढाथोकी, लक्ष्मी गिरी, धनबहादुर राई, झलनाथ खत्री, सुशील पोखरेल, कुलदीप अधिकारी, लक्ष्मण देवकोटा लगायत कालाकारको अभिनय रहेको छ ।
टोपेन्द्र विष्ट निर्माता तथा शिवराज पौडेल कार्यकारी निर्माता रहेको चलचित्रलाइअ शिव ढकालले छायाङ्कन रहेका छन्।
Discussion about this post