विशेष अनलाइन । सुदर्शन थापा निर्देशित एक्सन प्रधान चलचित्र ‘रावायण’को गीत सार्वजानिक भएको छ । ‘पुष्पा २’को शीर्ष गीत गाएर चर्चामा छाएका गायक नकाश अजिजले नेपाली चलचित्र ‘रावायण’ को शीर्ष गीतमा पनि स्वर दिएका छन् ।
कृष्णहरि बरालको शब्द रहेको गीतको संगीत रेवान आरती सिंहले गरेका हुन् ।गीतमा चलचित्रका मुख्य कलाकार पल शाह र पूजा शर्मा फिचर्ड रहेका छन् । साउथ चलचित्रको शैलीको नृत्य राखिएको गीतको कोरियोग्राफी विक्रम स्वाँरले गरेका हुन् ।गीतमा संस्कृति र नेपाली भाषा मिश्रण छ । फास्ट–ट्रयाकको गीतमा पल शाहको गेटअपले धार्मिक ग्रन्थका रावणको झल्को दिएको छ ।
पूजा शर्माले निर्माण गरेकी चलचित्र ‘रावायण’ आगामी भदौ २१ गतेबाट सार्वजनिक प्रदर्शनमा आउने भएको छ । चलचित्रमा पल र पूजाको अलवा प्रियंका कार्की, प्रमोद अग्रहरी, निकीता चण्डक, प्रकाश शाह, कैलाश रावल, अर्जुनजंग शाही, शर्मिला मल्ल, प्रदीप ढकाल, रोजिता पराजुली लगायत कलाकारहरुको अभिनय रहेको छ ।
चलचित्रको कार्यकारी निर्माता सुशन पाठक हुन् । चलचित्रमा शिवम् अधिकारीको लेखन, प्रदीप श्रीवास्तवको पटकथा, सौरभ लामाको छायाङ्कन, मिलन श्रेष्ठको सम्पादन, निरज सिंह, रेवन आरती सिंहको संगीत रहेको छ ।
विक्रम स्वार र रामजी लामिछानेको कोरियोग्राफी, श्री श्रेष्ठको एक्सन रहेको चलचित्रमा वितरण आरआर फिल्मसले गर्दैछ ।
Discussion about this post