विशेष अनलाइन । शंकर घिमिरेको निर्देशनमा बनेको चलचित्र ‘तेल भिसा’ को छायांकन सकिएको छ। दुई चरण गरि चलचित्रको छायांकन ३५ दिनमा सकिएको हो । चलचित्रको छायांकन अमेरिकामा ७० प्रतिशत र चितवनमा ३० प्रतिशत भएको निर्माण टिमले बताएको छ।
चलचित्रको इन्डक्ल्याप भरतपुर महानगरपालिकाकी मेयर रेणु दाहालले गरेकी थिइन् ।उनले चितवनको भरतपुरमा छायांकन गरेकोमा निर्माण टिमलाई धन्यवाद दिदै साथै तेल भिसालाई सफलताको शुभकामना दिएकि छिन् । चलचित्रले उठाएको विषयवस्तु गहन भएकाले आफू हेर्न उत्सुक रहेको बताइन्।
यस अघि ‘विष’, ‘विरताको चीनो’, ‘ब्रेकफेल’ र ‘तुलसी’ चलचित्र निर्देशन गरेका घिमिरे १२ वर्षपछि निर्देशनमा कमव्याक गरेका छन्।
चलचित्रमा अभिनेता विपिन कार्की दोहोरो भूमिकामा देखिने छन्। दर्शकले विपिनको जवान र बृद्ध गरी दुई अवतार दर्शकले हेर्न पाउनेछन्।
चलचित्रमा वर्षा राउत, ऋचा घिमिरे, पुजा लामा, बुद्धि तामाङ लगायतका कलाकारहरुको अभिनय रहेको छ।चलचित्र मंसिर ७ मा प्रदर्शन मा ल्याउने निर्माण टिमले जानकारि दिए ।चलचित्रलाइ सुशन प्रजापतिले छायांकन गएका छन् ।चलचित्रमा रामजी लामिछाने र शिशिर खातीको कोरियोग्राफी, आशिष अविरल, कल्याण सिंह र कृष्ण भारद्धाजको संगीत, विजय बस्यालको पोस्टर डिजाइन र अजय खड्काको सम्पादन रहनेछ।
वेलडन क्रियसनको ब्यानरमा ऋचा घिमिरेको प्रस्तुति रहेको ।चलचित्रमा अनिल पाण्डे र शिवराज कार्कीको लगानी छ।
Discussion about this post